امریکی وزیر خارجہ کی دروغ بیانی پر ایران کا ردعمل

ترجمان وزارت خارجہ اسماعیل بقائی نے کہا کہ امریکی وزیرخارجہ کے جھوٹ حقیقت کی جگہ نہیں لے سکتے

اسلامی جمہوریہ ایران کی وزارت خارجہ کے ترجمان اسماعیل بقائی نے یمن اور سعودی عرب کے معاملے میں ایرانی مداخلت کے تعلق سے امریکی وزیرخارجہ کے جھوٹے دعووں کو مسترد کرتے ہوئے کہا ہے کہ جھوٹ حقیقت کی جگہ نہیں لے سکتے۔

 اسماعیل بقائی نے ایکس پر اپنی پوسٹ میں لکھا ہے کہ ” مارکو روبیو کے جھوٹ، حقیقت کی جگہ نہیں لے سکتے۔”

انھوں نے لکھا ہے کہ ” انصاراللہ خودمختار ہے اپنے فیصلے خود کرتی ہے، نہ کسی سے ڈکٹیشن لیتی ہے اور نہ ہی کسی کی نیابتی فورس ہے۔”  
ایرانی وزارت خارجہ کے ترجمان  نے اپنی اس پوسٹ میں لکھا ہے کہ” علاقے میں بے ثباتی کی جڑ امریکا کی فوجی مداخلت اور اس کی تسلط پسند پالیسیوں میں تلاش کرنی چاہئے۔ "

انھوں نے لکھا ہے کہ ” اگر واشنگٹن امن پسند ہوتا تو یہ سادہ سا کام کرتا کہ علاقے میں بے ثباتی پیدا کرنے والے غلط اور برے اقدامات نیز مداخلت بند کردیتا۔