بلوچستان آپریشن میں فتنہ الخوارج کے 47 دہشتگرد جہنم واصل ہوئے، سکیورٹی ذرائع

ذرائع نے بتایا کہ مارے جانے کے 15 دن بعد بھی افغانستان سے اِن جہنم واصل دہشت گردوں کی لاشیں اٹھانے کوئی نہیں آیا، اِس دوران دہشت گردوں کی لاشیں افغانستان سائیڈ پر گلتی سڑتی رہیں، 25 اگست کو بارڈر پر افغان حکام کے ساتھ جرگہ کے بعد ان لاشوں کو گدھوں پر لاد کر لے جایا گیا۔سکیورٹی ذرائع کا کہنا تھا کہ لمبا عرصہ دھوپ اور باہر کھلے میں پڑے رہنے والے فتنہ الخوارج کے جہنم واصل 47 دہشت گرد گوشت خور جانوروں کی بھوک بھی مٹاتے رہے۔ ذرائع نے مزید بتایا کہ فتنہ الخوارج کی اس بڑی تشکیل کو کسی بھی دہشت گردانہ کارروائیوں سے پہلے ہی ٹھکانے لگا دینا سکیورٹی اور انٹیلی جنس اداروں کی بڑی کامیابی ہے۔