روس کے قریب دو جوہری آبدوزیں تعینات کی جائیں

ٹرمپ کا حکم: روس کے قریب دو جوہری آبدوزیں تعینات کی جائیں
امریکی صدر ڈونلڈ ٹرمپ نے اعلان کیا ہے کہ انہوں نے روسی سیکیورٹی کونسل کے نائب سربراہ اور سابق صدر دیمیتری مدودف کے "اشتعال انگیز بیانات” کے بعد دو جوہری آبدوزوں کو روس کے قریبی "موزوں علاقوں” میں تعینات کرنے کا حکم دیا ہے۔

ٹرمپ نے سوشل میڈیا پلیٹ فارم Truth Social پر لکھا:

"روس کے سابق صدر اور موجودہ نائب سربراہِ سیکیورٹی کونسل دیمیتری مدودف کے انتہائی اشتعال انگیز بیانات کے بعد، میں نے دو جوہری آبدوزوں کی تعیناتی کا حکم دیا ہے — تاکہ اگر یہ احمقانہ اور اشتعال انگیز باتیں صرف الفاظ نہ ہوں تو ہم تیار ہوں۔”

انہوں نے مزید کہا:

"الفاظ کی اہمیت ہوتی ہے، اور کبھی کبھار وہ غیر ارادی نتائج کا سبب بن سکتے ہیں۔ میں امید کرتا ہوں کہ یہ ان میں سے ایک معاملہ نہیں ہوگا۔ اس معاملے پر توجہ دینے کا شکریہ!”