گندم کی برآمد کا کوئی فیصلہ نہیں ہوا، وزیراعظم

اسلام آباد: وزیراعظم شہباز شریف نے کہا ہے کہ گندم کی ایکسپورٹ کا کوئی فیصلہ نہیں ہوا۔

اسپیکر ایاز صادق کی زیر صدارت قومی اسمبلی کا اجلاس ہوا تو وزیراعظم شہباز شریف ایوان میں پہنچ گئے۔ ان کی آمد پر اپوزیشن اراکین نے ایوان میں شور شرابہ کیا۔ سنی اتحاد کونسل اراکین نے وزیراعظم کیخلاف نعرے بازی کی۔

ایک سوال کا جواب دیتے ہوئے شہباز شریف نے کہا کہ گندم کی ایکسپورٹ کا کوئی فیصلہ نہیں ہوا، یہ بات ریکارڈ پر لانا چاہتا ہوں، البتہ پی ٹی آئی کی حکومت میں گندم اور چینی برآمد ہوئیں اور پھر دونوں چیزیں درآمد کی گئیں، اربوں کھربوں روپے کہاں گئے وہ تاریخ کا حصہ ہے۔

ایاز صادق نے قومی اسمبلی اجلاس غیر معینہ مدت کیلئے ملتوی کردیا۔