غزہ کی حمایت "کولمبیا یونیورسٹی” میں طلبا احتجاج پانچویں روز مزید شدت اختیار کر گیا
نیویارک کی کولمبیا یونیورسٹی میں غزہ میں جاری اسرائیلی جارحیت کیخلاف احتجاج پر طلبا کے داخلے منسوخ کرنے کے خلاف طلبا کا احتجاج پانچویں روز مزید شدت اختیار کر گیا ـ ذرائع کےمطابق کولمبیا یونیورسٹی میں آج ہونے والی تمام کلاسز ورچوئل کر دی گئیں۔ یونیورسٹی کے صدر کا کہنا ہے کہ کولمبیا یونیورسٹی کے طلبا آج آن لائن کلاسز لیں گے۔
تفصیلات کے مطابق کولمبیا یونیورسٹی میں طلبا کی طرف سے غزہ کی حمایت میں لگایا گیا کیمپ یونیورسٹی انتظامیہ کی طرف سے اکھاڑنے ‘ احتجاج میں شریک مرکزی طلبا کا یونیورسٹی داخلہ منسوخی اور 108 کے قریب طلبا کی پولیس کے ہاتھوں گرفتاری کے بعد یونیورسٹی صدر مصری نژاد خاتون "نعمت مینوش” کے خلاف طلبا احتجاج مزید شدت اختیار کرتا جا رہا ہے ـمعطل ہونے والے طلبا میں کانگریس کی رکن اور معروف مسلم خاتون سیاستدان الہام عمر کی بیٹی بھی شامل ہیں
About Author
