مشرقی یورپ میں روس اور نیٹو کے درمیان براہ راست ٹکراؤ کا خطرہ

واشنگٹن میں روسی سفیر نے خبردار کیا ہے کہ مشرقی یورپ میں روس اور نیٹو افواج کے درمیان براہ راست ٹکراؤ کا خطرہ بڑھتا جا رہا ہے۔امریکہ میں روسی سفیر آناتولی آنتونوف نے کہا ہے کہ کچھ عرصے قبل تک روس کے پڑوس میں امریکہ اور جرمنی کے ٹینکوں کی موجودگی کا تصورث بھی نہیں کیا جارہا تھا مگر بعد میں پھر واضح ہوا کہ مغربی افواج یوکرینی فوج کی مدد کر رہی ہیں تاکہ یوکرینی فوج، پیٹریاٹ جیسے مہنگے سسٹم کا استعمال کر کے اپنے اہداف کو نشانہ بنائے۔واشنگٹن میں روسی سفیر نے تاکید کی ہے کہ اب فوجی کارروائیوں میں نیٹو افواج کی شمولیت کی بات ہو رہی ہے البتہ اس طرح کی کوئی بھی حکمت عملی امریکی حمایت کے بغیر عمل میں نہیں آسکتی۔ انھوں نے کہا کہ مجھے یقین ہے کہ امریکہ، یورپ اور روس میں کاشتکاروں کا اصل مسئلہ ایک معمول کی نڈر زندگی گذارنے کا ہے جبکہ جنگ پسند، دنیا کو جنگ کی آگ میں جھونکنے کی پوری کوشش کر رہے ہیں اور عوامی امنگوں کو نظر انداز کئے جانے کی کوشش کی جا رہی ہے۔