تحریک لبیک اور پاکستان سنی تحریک کا انتخابی اتحاد ہوگیا

تحریک لبیک پاکستان کے رہنما مفتی قاسم فخری کا کہنا ہے کہ پاکستان سنی تحریک کے ساتھ مل کر کراچی میں الیکشن لڑ رہے ہیں۔ کراچی میں پاکستان سنی تحریک کے مرکزی رہنما فہیم الدین شیخ کے ہمراہ پریس کانفرنس کرتے ہوئے مفتی قاسم فخری نے کہا کہ 4 فروری کو تحریک لبیک باغ جناح میں جلسہ کرنے جا رہی ہے، تمام جماعتوں سے زیادہ امیدوار ٹی ایل پی نے کھڑے کئے۔ اس موقع پر گفتگو کرتے ہوئے فہیم شیخ نے کہا کہ پاکستان سنی تحریک اور تحریکِ لبیک پاکستان کا الیکشن میں اتحاد ہے۔ انہوں نے کہا کہ ہمارا اتحاد نظریاتی اتحاد ہے اور ملک گیر سطح پر ہے۔