انصاف اور سیاست” محمد عامر رانا کے قلم سے”
ایک طویل عدالتی عمل کے بعد، 2011ء میں رینجرز کے ہاتھوں قتل ہونے والے سرفراز شاہ کے قاتلوں نے آخر صدر مملکت سے آئین کے آرٹیکل 45 کے تحت رحم کی اپیل کی، جو ۲۰۱۸ میں مسترد کر دی گئی۔ انصاف کی فراہمی کا یہ ایک اعلی نمونہ تھا اور اس سے عدلیہ کی ساکھ پر مثبت اثر پڑا تھا۔ اسی طرح کے ایک واقعے میں بلوچستان کے شہر تربت میں ایک یونیورسٹی کے طالب علم کو ہلاک کر دیا گیا۔ اس ہلاکت کے بعد فرنٹئیر کور کے ایک فوجی کی گرفتاری نے مقامی آبادی اور سیکیورٹی فورسز کے درمیان اعتماد بحالی کا سبب بنا تھا۔ تاہم، ایسے واقعات پاکستان کے سیاسی اور عدالتی منظرنامے میں نایاب ہیں۔
گزشتہ سال 23 جنوری ایک سیاہ دن تھا جب پولیس افسر راؤ انور، جس پر جعلی مقابلے میں 400 سے زائد افراد کے قتل کا الزام تھا، نہایت اہمیت کے حامل نقیب اللہ قتل کیس میں بری کر دیا گیا۔ اس کیس نے پختون اکثریت والے علاقوں کے سیاسی منظرنامے پر نمایاں اثر ڈالا تھا اور اس وقت کے فوجی سربراہ نے ذاتی طور پر متاثرہ خاندان کو انصاف کی یقین دہانی کرائی تھی۔ یہ نطام قانون کے ساتھ کھلواڑ کرنے والوں پر کیسے نطر کرم کرتا ہے ، اس کی ایک اور مثال سانحہ ساہیوال میں ملوث پولیس افسر کو ریاست کی طرف سے ستارہِ شجاعت سے نوازنا تھا۔ یہ سانحہ اس وقت پیش آیا تھا جب انسدادِ دہشت گردی ڈیپارٹمنٹ نے شادی کی تقریب کو جاتے ہوئے ایک خاندان کو دہشت گرد سمجھ کر ہلاک کر دیا تھا۔ عدالت نے آخر کار تمام ملزمان ک باعزت بری کر دیا تھا۔
ان چار مقدمات کے بارے میں قانونی اور انسانی حقوق کے نقطہ نظر سے بہت کچھ لکھا گیا ہے، لیکن علمی تجسس کی کوئی حد نہیں ہے۔ یہ مقدمات اس بات کو بے نقاب کرتے ہیں کہ کس طرح قانون نافذ کرنے والے اداروں (ایجنسیوں) میں طاقت حکام کو بدعنوان بناتی ہے، کس طرح چھوٹے اور بڑے افسر یکساں اپنی طاقت کا غلط استعمال کرتے ہیں، اور کیسے نظام ان کی حفاظت کرتا ہے۔
سرفراز شاہ کا کیس انصاف کے نفاذ کا ایک نادر نمونہ ہے۔ شاید اس کی وجہ یہ تھی کہ ملزمان کے پاس اپنے دفاع میں کچھ زیادہ نہیں تھا۔ سرفراز، ایک 22 سالہ نوجوان جو کراچی میں ایک عوامی پارک میں سیر کے لیے گیا تھا، کو رینجرز نے ہلاک کر دیا تھا، اور ایک کیمرا نے پورے منظر کو ریکارڈ کر لیا تھا۔ اس نے سوشل میڈیا کی سرگرمی اور چوکس شہریت کے دور کا آغاز کیا۔ سول سوسائٹی نے متاثرہ خاندان کو انصاف دلانے میں اہم کردار ادا کی تھا۔
مکران میں خراب ہوتے ہوئے حالات اور بڑھتے ہوئے سیاسی اختلافات کے دوران، تربت میں یونیورسٹی کے طالب علم حیات بلوچ کے قتل نے حالات کو بگاڑ دیا تھا لیکن سکیورٹی فورسز نے اس معاملے میں ایک مختلف طریقہ اختیار کیا اور فرنٹیئر کور کے ایک سپاہی کو گرفتار کر لیا۔ یہ ایک دانشمندانہ اقدام تھا، اس گرفتاری نے اعتماد سازی کا ایک اہم اقدام ثابت کیا اور سکیورٹی لیڈروں اور کمیونٹیوں، خاص طور پر نوجوانوں کے درمیان ایک مکالمہ کا آغاز کیا۔ اس سے انتظامی تبدیلیاں ہوئیں، جن میں نرم حفاظتی چیک اور ایران کی سرحد پر سرحدی منڈیوں کی توسیع شامل ہے۔
تاہم، اس پہل میں اس وقت خلل پڑا جب مقامی شکایات دوبارہ ابھریں، جنہیں صوبائی انسداد دہشت گردی محکمہ نے غیر قانونی کارروائیوں کے بے جا استعمال سے ہوا دی۔ یہ اسلام آباد میں لاپتہ افراد کی بایابی کے لیے با ہمت بلوچ خواتین کا اسی کے خلاف ہے۔
پولیس زیادتی کے مقدمات میں نچلے درجے کے اہلکار اکثر قربانی کا بکرا بن جاتے ہیں اور عوام کے غضب کو دبانے کے لیے قانون نافذ کرنے والے ادارے ان کی قربانی دے دیتے ہیں، تاکہ وہ اس اڑ میں اپنے اعمال کو جاری رکھیں۔قانون نافذ کرنے والے اداروں کی طرف سے بے گناہ شہریوں کو نشانہ بنانے کے واقعات وقتا فوقتا سامنے آتے رہتے ہیں۔ کراچی سے لے کر اسلام آباد تک اور گوادار سے کوئٹہ تک سے رپورٹ ہونے والے ایسے واقعات تشدد ، قانونی ، سیاسی، سماجی اور عدالتی نظام پع بڑا سوال ہیں ، جو راؤ انوار اور مرحوم چودھری اسلم جیسے غیر قانونی طریقوں کے لیے مشہور افراد کو تحفظ فراہم کرتا ہے۔المیہ یہ ہے کہ قانون نافذ کرنے والے ادارے ایسے غیر قانونی اقدامات کو جائز قرار دیتے ہیں اور استثنیٰ اور انعام دونوں کا مطالبہ کرتے ہیں۔ یہاں تک کہ جب پکڑے جاتے ہیں، تو قانونی خامیوں اور عدالتی نرمی، جیسا کہ ساہیوال کے واقعے میں دیکھا گیا، اکثر انہیں نتائج سے بچا لیتے ہیں۔ دہشت گردی سے مقابلے کی کہانی قانون نافذ کرنے والے اداروں کو ان واقعات کو دبائے رکھنے کی اجازت دیتی ہے، جس میں سویلین، سکیورٹی اور عدالتی نظاموں کے اندر کوئی حقیقی جوابدہی نہیں ہے۔ حال ہی میں ہونے والے پولیس مقابلے کا ایک آڈٹ بے انصافیوں کی ایک حیران کن تعداد کو بے نقاب کر سکتا ہے، یہ ایک حقیقت ہے جس کا نظام سامنا کرنے کو تیار نہیں ہے۔
اگر ریاستی ادارے کافی ہوشیار ہوتے تو وہ اسلام آباد میں احتجاج کر رہے بلوچستان کے لاپتہ افراد کے خاندانوں سے رابطے کے فائدے کو سمجھ لیتے۔ ان کے ساتھ ایک مکالمہ زیادہ موثر ہوتا، جیسا کہ حیات بلوچ کے معاملے میں ہوا تھا۔ لیکن اداروں کو خدشہ ہے کہ گمشدہ افراد کا مسئلہ پیچیدہ ہے اور ان کی ساکھ کو نقصان پہنچا سکتا ہے۔ ظاہر ہے کہ نہ صرف ریاستی ادارے بلکہ سیاسی جماعتیں بھی اس نتیجے پر پہنچ چکی ہیں کہ عوام کے سامنے ان خاندانوں کے ساتھ ہمدردی کا اظہار ایک بھاری قیمت پر ہو گا، اور وہ جان بوجھ کر مظاہرین سے خود کو دور رکھنے کی کوشش کر رہے ہیں۔ ریاستی اداروں کا بلوچ خاندانوں سے تعلق بےمہری کا رویہ اور قریب ہی “دہشت گردی کے متاثرین” کے کیمپ بنانے کا غیر موثر حربہ الٹا پڑ رہا ہے۔ اگرچہ بلوچ لاپتہ افراد کی تحریک نے شروع میں قانون کی حکمرانی پر ہی توجہ مرکوز کی تھی، لیکن ریاستی اداروں، سیاسی جماعتوں اور ان کے میڈیا اتحادیوں نے اسے بلوچستان میں پی ٹی ایم جیسے ممکنہ خطرے کے طور پر پیش کیا ہے۔ یہ بیانیہ نہ صرف موجودہ صورتحال کو بلکہ ان بلوچ قومی جماعتوں کو بھی خطرے میں ڈال رہا ہے جو بلوچ معاشرے کی بدلتی ہوئی خواہشات کے مطابق ڈھالنے میں ناکام رہے ہیں۔
گوادر میں حق دو تحریک کی کامیابی نے حقوق کی تحریکوں کو باور کرایا ہے کہ اپنے حقوق لینے کے لیے طویل اور صبر آزما جدوجہد کرنا پڑتی ہے۔ ریاستی ادارے ان کا حوصلہ توڑنے کی کوشیش کرتے ہیں اور مذاکرات کو آخری حربے کے طور پر استمال کرتے ہیں۔ اگر وہ شروع میں ہی دانش مندی کا مظاہرہ کرلیں تو لوگوں کا ریاست اور اس کے اداروں پر اعتماد بڑھے گا۔
حالت حاضرہ اور ریاستی اداروں کے اعمال میں شفافیت کا مطالبہ کرنے والی حقوق کی تحریکوں کے ساتھ اکثر سختی سے نمٹا گیا ہے۔ بات چیت اور خدشات دور کرنے کے بجائے، ریاستی اداروں نے سخت اقدامات کو منتخب کیا ہے، جس سے یہ تحریکیں مزید مظبوط ہوتی ہیں اور ان کی سیا سی مزاحمت میں اصافہ ہو جاتا ہے۔ اب صرف عدلیہ سے ہی توقع رکھی جاسکتی ہے کہ وہ قانون کی عملداری یقینی بنائے اور قانون نافذ کرنے والے اداروں کو ان کے غلط اقدامات پر جوابدہی کرے۔
About Author
