شوکت عزیز صدیقی کیس: سپریم کورٹ نے آئی ایس آئی کے سابق سربراہ جنرل فیض حمید کو نوٹس جاری کر دیا

سپریم کورٹ نے اسلام آباد ہائیکورٹ کے برطرف کیے جانے والے جج شوکت عزیز صدیقی کے مقدمے کی سماعت کے دوران آئی ایس آئی کے سابق سربراہ لیفٹیننٹ جنرل ریٹائرڈ فیض حمید کو نوٹس بھیج کر ان سے الزامات کا جواب طلب کر لیا ہے۔شوکت عزیز صدیقی کے وکیل نے جو سات نام دیے تھے ان میں سابق آرمی چیف جنرل قمر جاوید باجوہ کا نام بھی شامل تھا مگر عدالت نے قرار دیا کہ ان کا اس مقدمے میں کوئی براہ راست کردار سامنے نہیں آیا ہے۔شوکت عزیز کے وکیل حامد خان نے آئی ایس آئی کے بریگیڈیئر عرفان رامے اور بریگیڈیئر فیصل مروت کو بھی فریق بنانے کی استدعا کی۔ سابق چیف جسٹس اسلام آباد ہائیکورٹ انور خان کاسی اور سپریم کورٹ کے سابق رجسٹرار ارباب محمد عارف کو بھی نوٹس بھیج دیا ہے۔