القسام بریگیڈ نے اسرائیلی فوجی کیمپ دھماکے سے اڑا دیا

غزہ: حماس کے مسلح گروپ القسام بریگیڈ نے اسرائیلی فوجی کیمپ دھماکے سے اڑا دیا۔تفصیلات کے مطابق درندگی پر اترے اسرائیل کو اتوار کے دن القسام بریگیڈ نے منہ توڑ جواب دیتے ہوئے ایک اسرائیلی فوجی کیمپ دھماکے سے اڑا دیا۔دھماکے میں کرنل اور میجر سمیت 5 فوجی مارے گئے، جب کہ کیمپ میں 60 اہلکار موجود تھے، حماس کے مطابق ہلاک اسرائیلی فوجیوں کی تعداد 66 ہو گئی ہے۔مزاحمتی فوج کے ترجمان نے کہا ہے کہ شمالی غزہ میں شکست کے بعد اسرائیلی فوج پیچھے ہٹنے پر مجبور ہو گئی ہے، 70 فی صد فوجی علاقہ خالی کر چکے ہیں۔دوسری طرف اسرائیل نے القسام بریگیڈز کے بیان پر تاحال کوئی تبصرہ نہیں کیا ہے۔ ایک ہفتے کی عارضی جنگ بندی کے خاتمے پر اسرائیل نے جمعہ کی صبح غزہ کی پٹی پر بدترین وحشیانہ بمباری دوبارہ شروع کر دی ہے۔