میاں نوازشریف اور مولانا فضل الرحمان آج ملاقات کریں گے
ملک میں حالیہ سیاسی صورتحال اور آئندہ انتخابات میں باہمی حکمت عملی کی تیاری کیلئے جمعیت علماء اسلام کے سربراہ مولانا فضل الرحمان اور سابق وزیراعظم میاں نواز شریف کے درمیان اہم ملاقات آج ہو گی۔ ذرائع کے مطابق ملاقات میں دونوں جماعتوں کے وفود بھی شریک ہوں گے۔ ملاقات میں آئندہ کے انتخابات سے متعلق دونوں جماعتیں اپنی سیاسی حکمت عملی طے کریں گے۔ ذرائع کا کہنا ہے کہ ملاقات کے دوران (ن) لیگ اور جے یو آئی کے درمیان سیٹ ایڈجسمنٹ سے متعلق فارمولے پر غور کیا جائے گا۔ذرائع کا کہنا ہے کہ مولانا فضل الرحمان صدر مملکت بنانے کیلئے میاں نواز شریف سے حمایت کا مطالبہ کریں گے۔ ذرائع کا کہنا ہے کہ جے یو آئی (ف) مطالبہ کرے گی کہ اگر مولانا فضل الرحمان کو صدر مملکت بنایا جاتا ہے، تو جے یو آئی پورے ملک میں مسلم لیگ ن کیساتھ الیکشن میں تعاون کرے گی۔ اس کے علاوہ بلوچستان کے امور پر بھی تبادلہ خیال کیا جائے گا۔ ذرائع کا کہنا ہے کہ میاں نواز شریف بلوچستان میں بھی اپنی پوزیشن مضبوط بنانے کے خواہاں ہیں، جس کیلئے انہیں جے یو آئی کے تعاون کی ضرورت ہے
About Author
