تیل کی قلت خطرناک حدود میں داخل !
عالمی سطح پر تیل کی قلت خطرناک حدود میں داخل: توانائی کی عالمی ایجنسی کا انتباہ
توانائی کی عالمی ایجنسی نے خبردار کیا ہے کہ آئندہ چند مہینوں کے دوران خام تیل کی قلت میں مزید اضافہ ہونے جا رہا ہے۔
رائٹرز خبررساں ادارے کے مطابق، توانائی کی عالمی ایجنسی IEA نے اعلان کیا ہے کہ سن 2026 کے آخری چند مہینوں کے دوران تیل کی ترسیل میں 57 لاکھ بیرل کی مزید کمی آئے گی جو عالمی مارکیٹ کا 6 فیصد حصہ ہے۔
یہ ایسی حالت میں ہے کہ اس سے قبل 4 فیصد کمی کے اندازے لگائے گئے تھے۔
قابل ذکر ہے کہ دنیا کے زیادہ تر ممالک اپنے تیل کے ہنگامی ذخیروں کا استعمال کرنے پر مجبور ہوگئے ہیں۔
بتایا جا رہا ہے کہ اگست کے مہینے میں خام تیل کے عالمی ذخیروں میں 31 لاکھ بیرل تیل کی کمی دکھائی دی گئی ہے۔
آئی ای اے نے مغربی ایشیا اور مشرقی یورپ میں جنگ کے خاتمے کے لیے کوششیں بڑھانے کی اپیل کی ہے۔
قابل ذکر ہے کہ برینٹ تیل کی قیمت جمعے کے روز بڑھ کر 109/97 ڈالر فی بیرل تک پہنچ چکی ہے۔
