ایران کی جانب سے امریکہ کو کسی واسطے سے پیغام بھیجنے کی بات بالکل جھوٹ ہے
ایران کی جانب سے امریکہ کو کسی واسطے سے پیغام بھیجنے کی بات بالکل جھوٹ ہے
حضرت آیت اللہ خامنہای، رہبرِ انقلاب اسلامی، نے آج رات اپنے ٹیلیویژن خطاب میں فرمایا:
🔹 امریکہ جہاں بھی مداخلت کرتا ہے وہاں یا جنگ بھڑکتی ہے، یا نسل کشی ہوتی ہے، یا تباہی اور بے گھری پیدا ہوتی ہے۔ یہ سب امریکی مداخلت کے نتائج ہیں۔ یوکرین کی بھاری نقصان والی جنگ بھی امریکہ نے شروع کی اور پھر اسے کوئی نتیجہ بھی نہ ملا۔ موجودہ امریکی صدر کہتا تھا کہ معاملہ تین دن میں حل کر دوں گا، لیکن اب تقریباً ایک سال سے وہ اسی ملک پر ایک 28 شقوں والا منصوبہ زبردستی تھوپنے کی کوشش کر رہا ہے—اسی ملک پر جسے اس نے خود جنگ میں دھکیلا۔
🔹 اور اسرائیلی حملے لبنان پر، جارحیت سوریہ پر، اور اس کی کرتوتیں غربِ اردن اور غزہ میں—یہ سب دنیا اپنی آنکھوں سے دیکھ رہی ہے۔
🔹 یہ تمام اقدامات امریکہ کی پشت پناہی سے ہو رہے ہیں، اور اس سلسلے میں امریکہ نے حقیقتاً نقصان اٹھایا ہے اور دنیا میں انتہائی قابلِ نفرت بن گیا ہے۔
🔹 اب یہ لوگ افواہیں پھیلاتے ہیں کہ ایران، ایرانی حکومت نے فلاں ملک کے ذریعے امریکہ کو پیغام بھیجا ہے—یہ سراسر جھوٹ ہے۔ ایسا ہرگز نہیں ہوا۔ اور امریکی تو اپنے دوستوں کے ساتھ بھی وفادار نہیں، یعنی جنہیں اپنا دوست کہتے ہیں اُن کے ساتھ بھی دھوکا کرتے ہیں۔ وہ فلسطین پر قابض صیہونی مجرمانہ ٹولے کی حمایت کرتے ہیں۔ تیل اور زیرِ زمین معدنی وسائل کے لیے دنیا کے کسی بھی حصے میں جنگ بھڑکانے کے لیے تیار رہتے ہیں—اور آج یہ جنگ افروزی لاطینی امریکہ تک بھی پہنچ چکی ہے۔
ایسی حکومت کے قابل نہیں کہ کوئی، بالخصوص اسلامی جمہوریہ جیسی حکومت، اس کے ساتھ تعلقات یا تعاون کی خواہش رکھے—ہرگز نہیں۔
