چین کی امریکہ کو وارننگ: سمندری خودمختاری کو لاحق خطرہ بے جواب نہیں رہے گا

چین کی امریکہ کو وارننگ: سمندری خودمختاری کو لاحق خطرہ بے جواب نہیں رہے گا
🔹 ایک سیکیورٹی اجلاس کے دوران چین نے امریکہ کو واضح طور پر خبردار کیا کہ “بحری اور فضائی آزادیِ نقل و حرکت” کے نام پر اس کے زیرِ نگرانی علاقوں میں کوئی بھی ایسا اقدام جو چین کی خودمختاری اور سیکیورٹی کو متاثر کرے، ناقابلِ قبول ہے اور اس کا جواب دیا جائے گا۔
🔹 گلوبل ٹائمز کے مطابق چین کے سرکاری ٹی وی (CCTV) نے ہفتے کے روز اس اجلاس کی تفصیلات جاری کیں، جو گزشتہ ہفتے منگل سے جمعرات تک امریکہ کے علاقے ہوائی میں منعقد ہوا تھا۔
🔹 رپورٹ کے مطابق، چین اور امریکہ نے 2025 کی “مشترکہ بحری مشاورتی معاہدہ” (MMCA) کے تحت ہونے والی دوسری نشست میں سب سے پہلے موجودہ بحری اور فضائی سیکیورٹی کی صورتحال پر تبادلہ خیال کیا اور دونوں ممالک کی بحری اور فضائی فورسز کے درمیان ممکنہ سامنا ہونے کی معمول کی صورتوں پر بات چیت کی۔