اسرائیلی جاسوسی ڈرون لبنان میں گر کر تباہ، اقوام متحدہ کی امن فوج نے ضبط کیا

لبنان کے مقامی ذرائع نے اطلاع دی ہے کہ ایک اسرائیلی ڈرون ملک کے سرحدی علاقوں میں گرنے کے بعد دریافت کر کے ضبط کر لیا گیا ہے۔ النشرہ نیوز ویب سائٹ کی رپورٹ کے مطابق یہ اسرائیلی شناختی ڈرون مقبوضہ فلسطین کی سرحدی لائنوں کے قریب بنت جبیل ضلع میں گر گیا۔ مقامی لبنانی ذرائع کے مطابق اقوام متحدہ کے امن فوجی دستوں (یونیفل) نے جنوبی لبنان میں گشت کے دوران اس ڈرون کو دریافت کیا۔

گزشتہ برسوں کے دوران لبنان نے اسرائیلی ہوائی جہازوں اور ڈرونز کی جانب سے اپنے فضائی حدود کی خلاف ورزی کی بارہا اقوام متحدہ میں شکایت کی ہے اور ان اقدامات کو سلامتی کونسل کی قرارداد 1701 کے خلاف قرار دیا ہے۔ یہ قرارداد 2006 میں 33 روزہ جنگ کے بعد منظور کی گئی تھی اور اس کے ایک شق کے مطابق لبنان اور مقبوضہ فلسطین کی سرزمین یا فضائی حدود میں کسی بھی قسم کی تجاوزات کی ممانعت ہے۔

جنوبی لبنان میں اقوام متحدہ کے امن فوجی دستوں کی موجودگی کے باوجود یہ خلاف ورزیاں جاری ہیں اور متعدد موارد میں لبنانی فوج کی فیلڈ رپورٹس نے ملک کے مختلف علاقوں پر اسرائیلی ڈرونز اور لڑاکا جہازوں کے بار بار پروازوں کی نشاندہی کی ہے۔ کچھ موارد میں گرائے گئے یا حادثاتی طور پر گرنے والے ڈرونز کے باقیات جاسوسی مشنوں کی نشاندہی کرتے ہیں