غزہ کے اسپتالوں پر پھر بمباری
🔰 اسرائیلی فوج کے غزہ کے یورپی اسپتال پر حملے جاری
🔹اسرائیلی قابض فوج کی جانب سے جنوبی غزہ کے شہر خان یونس میں واقع یورپی اسپتال پر دوسرے دن بھی فضائی حملے جاری رہے۔
ان حملوں کے نتیجے میں اب تک 28 افراد شہید اور درجنوں زخمی ہو چکے ہیں۔
- مسلسل حملوں کے باعث ملبہ ہٹانے اور امدادی ٹیموں کی کارروائی ممکن نہیں ہو سکی۔
- اطلاعات کے مطابق، مزید 20 شہداء کی لاشیں ملبے تلے دبی ہوئی ہیں۔
🔹اسپتال کا مکمل انخلاء:
کل اور آج کے حملوں کے بعد، یورپی اسپتال کے تمام مریضوں اور طبی عملے کو مکمل طور پر وہاں سے نکال لیا گیا ہے۔
اسرائیلی بمباری بدستور جاری ہے اور صہیونی جنگی طیاروں نے اسپتال کے گرد آگ کا محاصرہ بنا رکھا ہے۔
- امدادی ٹیمیں اور گاڑیاں بھی نشانہ بنائی جا رہی ہیں تاکہ ملبہ ہٹانے کا عمل روکا جا سکے۔
یہ حملہ بین الاقوامی قوانین کی کھلی خلاف ورزی ہے، کیونکہ اسپتال، مریض اور طبی عملہ جنگی قوانین کے تحت محفوظ تصور کیے جاتے ہیں۔
