عالیہ حمزہ پاکستان تحریک انصاف پنجاب کی چیف آرگنائزر مقرر

پاکستان تحریک انصاف نے سینیئر پارٹی رہنما عالیہ حمزہ کو پنجاب کا چیف آرگنائزر مقرر کردیا۔چیئرمین پی ٹی آئی بیرسٹر گوہر نے عالیہ حمزہ کی چیف آرگنائزر تقرری کا نوٹیفکیشن جاری کردیا۔واضح رہے کہ عالیہ حمزہ کا شمار پی ٹی آئی کے نظریاتی رہنماؤں میں ہوتا ہے۔ 9 مئی 2023 کے واقعات میں ملوث ہونے پر عالیہ حمزہ ایک سال سے زیادہ عرصہ تک جیل میں قید رہی ہیں

اس سے قبل وزیر اعلیٰ خیبر پختونخوا علی امین گنڈاپور کو صوبائی صدارت کے عہدے سے ہٹا کر ان کی جگہ جنید اکبر کو خیبر پختونخوا کا صدر مقرر کیا گیا تھا۔مبصرین کا کہنا ہے کہ پی ٹی آئی کی تشکیل نو کا یہ عمل جاری رہے گا اور اہم عہدوں پر مزید تبدیلیاں دیکھنے کو ملیں گی۔