اقوام متحدہ کے سیکریٹری جنرل انتونیو گوتیرس نے پاکستان کے صوبہ خیبرپختونخوا میں کرم ضلع میں گزشتہ روز کے اس حملے کی مذمت

اقوام متحدہ کے سیکریٹری جنرل انتونیو گوتیرس نے پاکستان کے صوبہ خیبرپختونخوا میں کرم ضلع میں گزشتہ روز کے اس حملے کی مذمت کی ہے جس میں کم از کم 42 افراد ہلاک ہو گئے۔

سیکریٹری جنرل کے ترجمان سٹیفن ڈوجارک کے مطابق، انتونیو گوتیرس نے کہا ہے کہ عام شہریوں کے خلاف حملے ناقابل قبول ہیں۔ انہوں نے ہلاک ہونے والے افراد کے اہل خانہ اور پاکستان کی حکومت سے اظہار تعزیت بھی کیا اور حکومت پر زور دیا کہ وہ اس حملے کے بارے میں تحقیقات کرے اور ذمہ داروں کو انصاف کے کٹہرے میں لائے۔