نظرثانی اپیل اور پی ٹی آئی پر پابندی، ن لیگ کا صدر مملکت کو اعتماد میں لینے کا فیصلہ

اسلام آباد: ن لیگ نے پی ٹی آئی پر پابندی اور مخصوص نشستوں کے فیصلے پر نظرثانی اپیل کے لیے صدر مملکت کو اعتماد میں لینے کا فیصلہ کیا ہے۔

مسلم لیگ (ن) نے مخصوص نشستوں سے متعلق سپریم کورٹ کے فیصلے کے خلاف نظرثانی اپیل اور پی ٹی آئی پر پابندی عائد کرنے کے فیصلے سے متعلق صدر مملکت آصف زرداری سے مل کر انہیں اعتماد میں لینے کا فیصلہ کیا ہے۔

ن لیگ کے ذرائع کے مطابق آج ن لیگ کی قانونی ٹیم صدر زرداری کو اس حوالے سے بریفنگ دے گی، ملاقات میں اٹارنی جنرل، وزیر قانون اعظم نذیر تارڑ اور وزیر اطلاعات عطا اللہ تارڑ بھی موجود ہوں گے۔