قفقاز کے لیے ٹرمپ کا منصوبہ "زنگزور راہداری” سے کسی طور مختلف نہیں
قفقاز کے لیے ٹرمپ کا منصوبہ "زنگزور راہداری” سے کسی طور مختلف نہیں
🔹 انقلابِ اسلامی کے رہبر کے بین الاقوامی امور کے مشیر علی اکبر ولایتی نے آرمینیا کے سفیر گریگور ہاکوپیان سے ملاقات میں کہا کہ قفقاز سے متعلق نام نہاد ٹرمپ منصوبہ زنگزور راہداری سے کسی بھی لحاظ سے مختلف نہیں ہے، اور جمہوریہ اسلامی ایران یقیناً اس کی مخالفت کرتا ہے۔
🔹 ولایتی نے اس بات پر زور دیتے ہوئے کہ تجربے نے ثابت کیا ہے کہ امریکی ابتدا میں بظاہر اقتصادی منصوبوں کے ساتھ حساس علاقوں میں داخل ہوتے ہیں، لیکن بتدریج ان کی موجودگی فوجی اور سکیورٹی پہلوؤں تک پھیل جاتی ہے، کہا کہ کسی بھی منصوبے کی آڑ میں ایران کی سرحدوں تک امریکا کی رسائی کے واضح سکیورٹی نتائج ہوں گے۔
🔹 ملاقات کے دوران آرمینیا کے سفیر نے بھی دونوں ممالک کے تعلقات کو انتہائی اہم اور اسٹریٹجک قرار دیا اور ایران کے ساتھ تعلقات کے فروغ کو آرمینیا کی خارجہ پالیسی کی اہم ترجیحات میں شامل بتایا۔
