کراچی میں شیعہ ٹارگٹ کلنگ، دہشتگردی کی فائرنگ سے عادل حسین شہید
شہر قائد میں شیعہ ٹارگٹ کلنگ، دہشتگردوں کی فائرنگ سے شیعہ نوجوان عادل حسین شہید ہوگیا۔ تفصیلات کے مطابق کراچی کے علاقے اورنگی ٹاؤن سیکٹر ساڑھے گیارہ منصور نگر میں دہشتگردوں نے شیعہ جوان عادل حسین کو نشانہ بنایا، دہشتگردوں نے فائرنگ کرکے عادل حسین کو شہید کر دیا۔ پولیس نے موقع پر پہنچ کر عادل حسین کے جسد خاکی کو اپنی تحویل میں لیکر قانونی کارروائی کیلئے عباسی شہید اسپتال منتقل کیا۔ بعد ازاں ورثا کی جانب سے شہید عادل حسین کے جسد خاکی کو مسجد و امام بارگاہ شہدائے کربلا انچولی سوسائٹی منتقل کر دیا گیا۔
