علامہ راجہ ناصر عباس جعفری کی علامہ شہنشاہ نقوی کو سربراہ جعفریہ الائنس منتخب ہونے پر مبارکباد
چیئرمین مجلس وحدت مسلمین پاکستان سینیٹر علامہ راجہ ناصر عباس جعفری نے علامہ سید شہنشاہ حسین نقوی کو جعفریہ الائنس کا سربراہ منتخب ہونے پر مبارکباد پیش کی ہے۔ اپنے ایک تہنیتی پیغام میں ان کا کہنا تھا کہ علامہ سید شہنشاہ حسین نقوی کو جعفریہ الائنس پاکستان کا صدر منتخب ہونے پر دلی مبارک باد پیش کرتا ہوں، دعا ہے کہ خدا وند متعال آپ کو ملت جعفریہ کی خدمت، اتحاد امت کے فروغ اور وطنِ عزیز پاکستان میں امن و اخوت کے قیام کے لیے مزید ہمت، توفیق اور کامیابیاں عطا فرمائے، آمین۔ امید ہے کہ آپ کی سربراہی میں جعفریہ الائنس پاکستان ملت کی مضبوط آواز اور قومی وحدت کا مظہر بنے گی۔
