وزیراعلیٰ خیبر پختونخوا کا انتخاب، پی ٹی آئی اراکین حمایت کیلئے جے یو آئی مرکز پہنچ گئے
وزیراعلیٰ خیبر پختونخوا کے چناؤ کے لیے پاکستان تحریک انصاف نے حمایت کے لیے جمعیت علمائے اسلام (ف) سے رابطہ کرلیا۔ پاکستان تحریک انصاف کا وفد وزیراعلیٰ کے انتخاب اور تعاون کے لئے جے یو آئی کے مرکز پہنچ گیا، پی ٹی آئی کے وفد میں جنید اکبر، عرفان سلیم اور دیگر راہنما شامل تھے۔ جے یو آئی کے صوبائی جنرل سیکرٹری سینٹر مولانا عطا الحق درویش، مولانا جلیل جان اور دیگر راہنماؤں نے پی ٹی آئی وفد کا استقبال کیا، پی ٹی آئی کے وفد نے جے یو آئی سے وزیراعلی سہیل آفریدی کے انتخاب میں تعاون کی درخواست کر دی۔ یاد رہے پاکستان تحریک انصاف کے صوبائی صدر جنید اکبر نے کہا کہ پیر کے روز اسمبلی اجلاس طلب کررہے ہیں جس میں نامزد وزیراعلی کا انتخاب ہوگا۔
