کل کے حامی، آج کے مخالف: اسرائیل کی حمایت نے ٹرمپ کو اپنے ہی ووٹروں میں غیرمقبول بنا دیا

🔹 امریکی صدر ڈونالڈ ٹرمپ، جنہوں نے 2024 کے صدارتی انتخابات میں جو روگن، تھیو وان، اینڈرو شولز اور شون ریان جیسے معروف پادکاسٹروں کی مدد سے نوجوانوں (18 تا 29 سال) کی حمایت حاصل کر کے کامیابی حاصل کی تھی، اب انہی حلقوں میں سخت تنقید کی زد میں ہیں۔

🔹 پچھلے چند مہینوں میں ان پادکاسٹ میزبانوں اور لاکھوں نوجوان سامعین کے درمیان ٹرمپ کے خلاف ناپسندیدگی بڑھ گئی ہے۔ ان کے اعتراضات کی بنیادی وجوہات میں شامل ہیں:

مہاجرین کے خلاف سخت حکومتی رویہ
اسرائیل کے لیے غیر مشروط حمایت
آزادیٔ اظہار پر قدغن
اور جفری اپسٹین (بچوں کے جنسی استحصال کے مجرم) کے ساتھ ٹرمپ کے قریبی تعلقات۔

🔹 تجزیہ کاروں کے مطابق یہ مخالفت ٹرمپ کے لیے خطرناک ثابت ہو سکتی ہے، کیونکہ انہی نوجوان ووٹروں نے ان کی انتخابی کامیابی میں اہم کردار ادا کیا تھا، اور آئندہ 2026 کے وسط مدتی انتخابات اور 2028 کی صدارت کے لیے ان کی حمایت ناگزیر ہے۔

🔹 اینڈرو شولز، جن کے پادکاسٹ Flagrant پر ٹرمپ نے اکتوبر 2024 میں شرکت کی تھی، نے حال ہی میں کہا:

“میں نے ٹرمپ پر یقین کیا تھا، سوچا تھا کہ وہ واقعی اپنے وعدے پورے کرے گا۔
لیکن اب وہ ہر اس چیز کے برعکس کام کر رہا ہے جس کا اس نے وعدہ کیا تھا۔
میں نے اسے ان باتوں کے لیے ووٹ نہیں دیا تھا۔”