کوئٹہ، سابق وزیر مولوی سرور گرفتار، افسر کو دھمکانے کا الزام

بلوچستان کے سابق وزیر اور جمعیت علمائے اسلام کے رہنماء مولوی سرور موسیٰ خیل کو بیٹوں سمیت گرفتار کر لیا گیا ہے۔ پولیس کے مطابق سابق وزیر پر بیوروکریٹ کو دھمکیاں دینے کا الزام ہے۔ پولیس کا کہنا ہے کہ سابق صوبائی وزیر کے خلاف سیکریٹری مواصلات و تعمیرات لعل جان جعفر نے مقدمہ درج کروایا ہے۔ سابق صوبائی وزیر اور ان کے بیٹوں پر سینئر بیوروکریٹ کو سنگین نتائج کی دھمکیاں دینے کا الزام ہے، ان کے خلاف سول لائن تھانہ میں مقدمہ درج ہے۔ ایف آئی آر میں لعل جان جعفر نے الزام عائد کیا ہے کہ سابق صوبائی وزیر نے میرے دفتر میں مجھے سنگین نتائج کی دھمکیاں دیں اور نازیبا زبان استعمال کیں۔