متحدہ علماء محاذ کے تحت وحدت امت سیمینار

متحدہ علما محاذ، پاکستان مسلم لیگ فنکشنل علما مشائخ ونگ کے زیر اہتمام بسلسلہ ہفتہ وحدت 18واں سالانہ وحدت امت سیرت مصطفی ﷺ کی روشنی میں سیمینار مولانا محمد امین انصاری کی میزبانی، فنکشنل لیگ سندھ کے سیکریٹری جنرل سردار عبدالرحیم کی زیر صدارت مقامی ہال گلشن اقبال میں منعقد ہوا، جس میں مختلف مکاتب فکر کے جید علما مشائخ سیاسی زعما تاجر، صحافی،دانشور و ممتاز شخصیات نے شرکت کی۔ سردار عبدالرحیم نے اپنے صدارتی خطاب میں کہا کہ رسول اکرمﷺ کی ذات اقدس ہی نقطہ اتحاد ہے، عقیدہ ختم نبوتﷺ و ناموس رسالتﷺ پر ہماری جانیں قربان ہیں، اسلام و ملک کے دشمن باغیان ختم نبوت قادیانیوں کا ہر سطح پر تعاقب اور مقاصد پاکستان کا تحفظ کیا جائے گا، استعماری قوتوں کے خلاف وحدت امت ہی پیغام رسالت ہے۔ متحدہ علما محاذ کے بانی سربراہ، فنکشنل لیگ علما ونگ سندھ کے صدر مولانا محمدامین انصاری نے شہدائے ختم نبوت و قائدین و شہدائے مقاومت فلسطین، شہدائے 6 ستمبراور افواج کو خراج عقیدت پیش کیا اور امن و وحدت پر زور دیا۔ سیمینار سے جماعت اسلامی کراچی کے نائب امیر مسلم پرویز سمیت ڈاکٹر صابر ابومریم، علامہ عبدالخالق فریدی سلفی، علامہ محمود الحسینی، علامہ حسین مسعودی، مفتی محمد داؤد، ڈاکٹر حکیم سید علی نصر عسکری، علامہ ڈاکٹر سید شمیل احمد قادری حنبلی، علامہ خواجہ احمد الرحمن یار خان، علامہ عقیل انجم قادری، مفتی وجیہہ الدین، مفتی عبدالغفور اشرفی، علامہ سجاد شبیر رضوی، مولانا ابراہیم چترالی و دیگر نے خطاب کیا۔