سوراب، سرکاری عمارتوں پر کالعدم تنظیم کا حملہ، ایڈیشنل ڈی سی جانبحق

بلوچستان کے شہر سوراب میں کالعدم تنظیم کے مسلح افراد نے حملہ کرتے ہوئے پولیس اسٹیشن سمیت متعدد سرکاری عمارات کو نذرآتش کر دیا ہے۔ ایڈیشنل ڈپٹی کمشنر ریوینیو ہدایت اللہ بلیدی پر بھی حملے کی اطلاع ہے۔ تنازعات پر نظر رکھنے والے نجی خبر رساں ادارے نے دعویٰ کیا ہے کہ بلوچستان کے شہر سوراب پر کالعدم تنظیم کے حملہ آوروں نے حملہ کر دیا ہے۔ جس میں سرکاری عمارات کو نشانہ بنایا گیا ہے۔ ایک پولیس اسٹیشن کو بھی نذرآتش کیا گیا ہے، جبکہ حملے کے نتیجے میں ایڈیشنل ڈپٹی کمشنر ریوینیو ہدایت اللہ بلیدی کے بھی جان بحق ہونے کی اطلاعات ہیں۔ مبینہ طور پر کوئٹہ کراچی شاہراہ پر کالعدم تنظیم کے مسلح افراد نے ناکہ بندی کرتے ہوئے چیکنگ بھی شروع کر دی ہے۔ اس حوالے سے تاحال حکومت کی جانب سے کوئی بیان سامنے نہیں آیا ہے