نفرت انگیز سوشل میڈیا مہم پر 68 بھارتی یوٹیوب چینلز پاکستان میں بلاک
پاک بھارت کشیدگی کے دوران نفرت انگیز سوشل میڈیا مہم پر 68 بھارتی یوٹیوب چینلز پاکستان میں بلاک کئے جا چکے ہیں۔ ریاست مخالف چینلز کیخلاف اقدامات تیز کرتے ہوئے 1 لاکھ 19 ہزار 496 یو آر ایل بلاک کئے گئے ہیں، ان میں 3 ہزار 248 یوٹیوب لنکس بھی شامل ہیں۔ پی ٹی اے کی جانب سے یوٹیوب کو بھیجی گئی شکایات کے نتیجے میں بھارتی یوٹیوب چینلز بند کئے گئے ہیں۔ پاکستان ٹیلی کمیونیکیشن اتھارٹی اور متعلقہ اداروں نے پاک بھارت کشیدگی کے دوران یو ٹیوبرز کی جانب سے پاکستان مخالف مہم اور ریاستی اداروں کو نشانہ بنانے والے مواد کی روک تھام کیلئے اقدامات تیز کر دیئے ہیں۔
