مراد سعید کیخلاف 10 ارب ہرجانہ کیس کا فیصلہ کل سنائے جانے کا امکان

پی ٹی آئی رہنماء مراد سعید کے خلاف ہرجانہ کیس کا فیصلہ کل سنائے جانے کا امکان ہے۔ تفصیلات کے مطابق ڈسٹرکٹ اینڈ سیشن کورٹس اسلام آباد میں مسلم لیگ ن کے رہنما احسن اقبال کے پی ٹی آئی رہنما مراد سعید کے خلاف ہرجانہ کیس کا فیصلہ جج کی تبدیلی کے باعث آج نہیں سنایا جاسکا۔ عدالتی ذرائع کے مطابق فیصلہ کل سنائے جانے کا امکان  ہے۔ ایڈیشنل ڈسٹرکٹ اینڈ سیشن جج حاکم خان بکھر کل اس اہم کیس کا فیصلہ سنائیں گے۔ یاد رہے کہ ایڈیشنل ڈسٹرکٹ اینڈ سیشن جج محمد شبیر بھٹی نے  فریقین کے دلائل مکمل ہونے پر فیصلہ محفوظ کیا تھا۔

قبل ازیں سماعت کے دوران احسن اقبال اور مراد سعید کے وکلا عدالت میں پیش ہوتے رہے اور احسن اقبال نے بھی عدالت میں پیش ہوکر اپنا بیان ریکارڈ کروایا تھا۔ یاد رہے کہ احسن اقبال نے مراد سعید کیخلاف 10 ارب روپے ہرجانہ کا دعویٰ دائر کر رکھا ہے۔ پی ٹی آئی رہنما مراد سعید نے سکھر ملتان موٹروے میں مبینہ کرپشن کا الزام عائد کیا تھا۔