سابق بھارتی جنرل چینی جنگی ساز و سامان اور پاکستانی افواج کے گرویدہ

سابق بھارتی جنرل چینی جنگی ساز و سامان کے استعمال میں پاکستانی مسلح افواج کے گرویدہ ہوگئے۔ ذرائع کے مطابق بھارتی جارحیت پر افواج پاکستان کے بھرپور ردعمل پر دنیا بھر میں خراج تحسین پیش کیا جارہا ہے، بھارتی جنرل آپریشن "بُنْيَانٌ مرصوص” کا ذکر پاک فوج اور چینی جنگی ساز و سامان کا بہترین استعمال سے کر رہے ہیں۔

باوثوق ذرائع نے بتایا کہ لیفٹیننٹ جنرل پی آر شنکر کا کہنا  تھا کہ شاید جنگی ساز و سامان کا اتنا اچھا استعمال چینی خود نہ کرتے، جتنا پاک فوج نے کیا، پاکستان کی مسلح افواج نے چینی جنگی ساز و سامان کو چین سے بھی بہتر استعمال کیا۔

انہوں نے کہا کہ میں اس مہارت پر پاکستان کے بجائے چین سے لڑنا پسند کروں گا، کامیاب آپریشن "بُنْيَانٌ مرصوص” کی تعریف اب بھارتی سابقہ جنرلز بھی کر رہے ہیں۔ دوسری جانب دفاعی ماہرین کا کہنا تھا کہ لیفٹیننٹ جنرل پی آر شنکر کی باتیں ثابت کرتی ہیں کہ پاکستان کی مسلح افواج پروفیشل ہیں۔