طین نے نئے ہائپر سونک میزائل کی رونمائی کر دی

چین نے 20 ماخ رفتار رکھنے والے ہائپر سونک ہتھیار کی رونمائی کر دی

چینی فوج کے محققین نے اعلان کیا ہے کہ وہ نئی ہائپر سونک ٹیکنالوجی کی مدد سے ایسے میزائل بنا چکے ہیں جو خلا یا مختلف پلیٹ فارموں سے فائر ہو کر دنیا کے کسی بھی حصے کو صرف 30 منٹ میں نشانہ بنا سکتے ہیں۔

یہ میزائل "ری انٹری گلائیڈرز” (RGVs) کہلاتے ہیں، جو ایرودینامک ڈیزائن کے حامل ہوتے ہیں اور بلند فضاؤں میں انتہائی تیز رفتاری (تقریباً 21 ہزار کلومیٹر فی گھنٹہ) کے ساتھ پیچیدہ اور شدید موڑ لینے کی صلاحیت رکھتے ہیں۔ محققین کا کہنا ہے کہ یہ میزائل انتہائی کم وقت میں سمت تبدیل کرنے کی غیر معمولی صلاحیت رکھتے ہیں، جس کی وجہ سے یہ دشمن کے دفاعی نظاموں سے بچ نکلنے میں کامیاب ہو سکتے ہیں۔

تاہم، رپورٹ میں ان میزائلوں کی ایک بڑی کمزوری کا بھی ذکر ہے:
ان کی انفراریڈ سگنیچر (گرمائش کا نشان) بہت زیادہ ہوتی ہے، جس کی وجہ سے انہیں طویل فاصلے سے بھی ٹریک کیا جا سکتا ہے۔