پاکستان نے بھارت سے بدلہ چکا دیا، درجنوں ایئرفیلڈ تباہ، اہم ویب سائٹس ہیک

پاکستان نے بھارت سے اپنا بدلہ چکا دیا، آپریشن ’’بُنْيَانٌ مَّرصُوصٌ‘‘ نے دھاک بٹھا دی۔ پاک فوج کی کاری ضربیں جاری ہیں، پاک فوج نے بھارت میں متعدد اہداف کو نشانہ بنایا ہے۔ دفاعی ذرائع کے مطابق پاکستان نے بیاس میں براہموس کی سٹوریج کو تباہ کر دیا ہے۔ بھارت میں ایئربیس ادھم پور کو بھی تباہ کیا گیا ہے۔ پاکستان نے بھارت میں پٹھان کوٹ ائیر فیلڈ اور بھارتی بریگیڈ ہیڈ کوارٹر کے جی ٹاپ کو تباہ کر دیا ہے۔ راجوڑی میں بھارتی ملٹری انٹیلی جنس کا تربیتی مرکز بھی مکمل تباہ ہوگیا ہے۔ بھارت کی اکھنورایوی ایشن بیس کوبھی راکھ کا ڈھیربنا دیا گیا ہے۔ سکیورٹی ذرائع کا مزید کہنا ہے کہ سپلائی ڈپو” اڑی "کو بھی ملیا میٹ کردیا گیا ہے۔

انڈیا میں اندھیرے چھا گئے ہیں۔ بھارتی ایئرفیلڈ آدم پور کو بھی تباہ کر دیا گیا ہے۔ پاکستان نے زیادہ تر فتح1 میزائل سسٹم کے ذریعے بھارتی اہداف کو نشانہ بنایا ہے، جبکہ جے ایف17 تھنڈر کے ذریعے بھی اہداف کو نشانہ بنایا گیا۔ پاکستان نے اپنے کاری جوابی وار میں ایئر فیلڈز سمیت  بیشتر بھارتی ویب سائٹس  بھی ہیک کر لی ہیں۔ بی جے پی کی آفیشل ویب سائٹ بھی  ہیک کرلی گئی ہے۔ بھارت کی کرائم ریسرچ انویسٹی گیشن ایجنسی، بھارتی ماہانگر ٹیلی کمیونیکیشن کمپنی لمیٹڈ، ارتھ موورز لمیٹڈ، آل انڈیا نیول ٹیکنیکل سپروائزری کی ویب سائٹ بھی ہیک کی گئی ہے۔ ہیک کی گئی تمام بھارتی ویب سائٹس کا مکمل مواد اُڑا دیا گیا ہے۔ ہندوستان ایروناٹکس لمیٹڈ، بارڈر سکیورٹی فورسز کا ڈیٹا  بھی لیک کر دیا گیا ہے جبکہ یونیک آڈنٹیفکیشن اتھارٹی آف انڈیا کا ڈیٹا بھی لیک کر دیا گیا ہے۔

ڈیٹا لیک سائٹس میں انڈین ایئرفورس، مہاراشٹر الیکشن کمیشن و دیگر شامل ہیں، جبکہ بھارت میں 2500 سے زائد سرویلنس کیمرے بھی ہیک کر لئے گئے ہیں۔ تازہ اطلاعات کے مطابق اُرتی مہاراشٹر سٹیٹ الیکٹرسٹی ٹرانسمیشن کمپنی لمیٹڈ پر سائبرحملہ کیا گیا ہے اور پاکستانی سائبر اٹیک ٹیم نے الیکٹرسٹی ٹرانسمیشن کمپنی لمیٹڈ کی ویب سائٹ کو ہیک کر لیا ہے۔ پاکستانی سائبر حملے میں مہاراشٹر سٹیٹ کمپنی کی بجلی مکمل طور پر بند ہو گئی ہے، جبکہ مہاراشٹر سٹیٹ کے تمام کمرشل اور ڈومیسٹک میٹرز کا ریکارڈ اُڑا دیا گیا ہے۔