یمن کا اسرائیل پہ بڑا حملہ

یمن کا اسرائیل پر بڑا حملہ: نواتیم ایئر بیس پر بیلسٹک میزائل حملہ

صنعا / تل ابیب: یمن کی مسلح افواج نے ایک بار پھر اسرائیلی اہداف کو نشانہ بناتے ہوئے جنوبی فلسطینِ اشغالی میں واقع نواتیم ایئر بیس پر ایک فلسطین-۲ نامی سپرسانک بیلسٹک میزائل سے حملہ کر دیا۔
یحیی سریع، یمن کی مسلح افواج کے ترجمان نے بیان میں کہا کہ میزائل نے اپنے ہدف کو کامیابی سے نشانہ بنایا، جبکہ اسرائیلی فضائی دفاعی نظام میزائل کو روکنے میں ناکام رہا۔

یہ حملہ یمنی فوج کی جانب سے مقبوضہ فلسطین میں صہیونی مقامات پر کیا گیا ۹۸واں فضائی آپریشن ہے، جس میں بیلسٹک اور کروز میزائلوں کے ساتھ ساتھ خودکش ڈرونز کا استعمال کیا گیا ہے۔

نواتیم ایئر بیس پر یمنیوں کا یہ پانچواں براہ راست حملہ ہے۔ اگر ایران کی مسلح افواج کی جانب سے کیے گئے "وعدہ صادق ۱ و ۲” آپریشنز کو بھی شمار کیا جائے، تو یہ محورِ مزاحمت کا ساتواں حملہ بنتا ہے۔

نواتیم ایئر بیس اسرائیلی فوج کی ایک اہم تنصیب ہے، جہاں سے خطے میں متعدد فضائی حملے کیے گئے ہیں۔ اس بیس میں F-35 سمیت کئی جدید جنگی طیارے موجود ہیں، اور حال ہی میں یہاں مزید F-35 جنگندے بھی تعینات کیے گئے تھے۔

تجزیہ کاروں کے مطابق، اس حملے نے نہ صرف اسرائیلی دفاعی نظام کی کمزوری کو نمایاں کیا ہے بلکہ خطے میں اسرائیلی فوجی برتری کے تصور کو بھی چیلنج کر دیا ہے۔