امیت شاہ کا ریاستی انتخابات میں کامیابی پر بنگالیوں کو دہلی سے بے دخل کرنے کا وعدہ
بھارتی وزیر اعظم نریندر مودی کے قریبی ساتھی وزیر داخلہ امیت شاہ وعدہ کیا ہے کہ اگر ان کی جماعت ریاستی انتخابات میں کامیابی حاصل کرتی ہے تو دارالحکومت دہلی کو بنگالیوں سے پاک کر دیا جائے گا۔رپورٹ کے مطابق وزیر داخلہ امیت شاہ نے اتوار کو ریلی میں ہزاروں لوگوں سے خطاب کرتے ہوئےکہا کہ اگر بھارتیہ جنتا پارٹی (بی جے پی) اگلے ماہ ہونے والے ریاستی انتخابات میں کامیاب ہوتی ہے تو پڑوسی ملک بنگلہ دیش کے ہر غیر قانونی تارکین وطن کو دو سال کے اندر نئی دہلی سے نکال دیا جائے گا۔امیت شاہ نے کہا کہ’موجودہ ریاستی حکومت غیر قانونی بنگلہ دیشیوں اور روہنگیاؤں کو جگہ دے رہی ہے، حکومت کو تبدیل کریں، ہم دہلی کو تمام غیر قانونی لوگوں سے نجات دلائیں گے’۔
بھارت کی مسلم اکثریتی بنگلہ دیش کے ساتھ ہزاروں کلومیٹر طویل سرحد ہے اور اس کے مشرقی ہمسایہ ملک سے غیر قانونی نقل مکانی کئی دہائیوں سے ایک اہم سیاسی مسئلہ رہا ہے۔دہلی میں غیر قانونی طور پر مقیم بنگلہ دیشیوں کی تعداد کا کوئی قابل بھروسہ تخمینہ نہیں ہے، حالیہ دہائیوں کے دوران شہر میں لاکھوں لوگ روزگار کی تلاش میں ہندوستان کے دیگر حصوں سے آئے ہیں۔مودی اور شاہ کی بھارتیہ جنتا پارٹی (بی جے پی) کے ناقدین نے پارٹی پر الزام عائد کیا ہے کہ وہ انتخابات کے دوران اپنی ہندو قوم پرست حمایت کو متحرک کرنے کے لیے اس مسئلے کو مسلمانوں کے خلاف سیاسی حربے کے طور پر استعمال کر رہی ہے۔
