صدر جو بائیڈن شام میں ’غیر معمولی واقعات‘ پر گہری نظر رکھے ہوئے ہیں: وائٹ ہاؤس

وائٹ ہاؤس کا کہنا ہے کہ امریکی صدر جو بائیڈن شام میں رونما ہونے والے غیرمعمولی واقعات پر گہری نظر رکھے ہوئے ہیں۔قومی سلامتی کونسل کے ترجمان نے سوشل میڈیا پر ایک بیان میں بتایا کہ ’صدر بائیڈن اور ان کی ٹیم شام میں غیر معمولی واقعات پر گہری نظر رکھے ہوئے ہیں اور علاقائی شراکت داروں کے ساتھ مسلسل رابطے میں ہے۔امریکہ کے نومنتخب صدر ڈونلڈ ٹرمپ نے کہا ہے کہ ’امریکی فوج کو شام میں بڑھتے ہوئے تنازعے سے دور رہنا چاہیے۔
سنیچر کی شب سوشل میڈیا پوسٹ میں ڈونلڈ ٹرمپ کا کہنا تھا کہ ’یہ ہماری لڑائی نہیں ہے۔‘عالمی رہنما شام کے روسی اور ایرانی حمایت یافتہ صدر بشار الاسد کے خلاف عسکریت پسندوں کی پیش قدمی کو بغور دیکھ رہے ہیں۔جو بائیڈن کے قومی سلامتی کے مشیر نے اس بات پر زور دیا ہے کہ بائیڈن انتظامیہ کا مداخلت کا کوئی ارادہ نہیں ہے۔جیک سلیوان نے کہا ہے کہ ’امریکہ شام کی خانہ جنگی کے دوران فوجی مداخلت نہیں کرے گا۔انہوں نے کہا کہ ’امریکہ داعش کو اس تنازع کی وجہ سے پیدا ہونے والے مواقع سے فائدہ اٹھانے سے روکنے کے لیے ضروری کام کرتا رہے گا۔