افغانستان میں پاکستان دشمن گروپوں کا اتحاد

افغانستان سے ملنے والی اطلاعات کے مطابق وہاں القاعدہ اور را کے اتحاد سے پاکستان کے لئے سکیورٹی چیلنج پیدا کرنے کے منصوبے بن رہے ہیں۔یہ اتحاد سازی برسوں سے جاری ہے جس سے معلوم ہوتا ہے کہ افغان سرزمین پر بد امنی کا فائدہ اٹھانے کا ایک طویل منصوبہ تشکیل دیا گیا ہے۔ایک رپورٹ میں بہت سے انکشافات ہیں۔ القاعدہ، ٹی ٹی اے (عبدالرحیم مسلم دوست اور عبدالقاہر خراسانی) اور ٹی ٹی پی (حافظ سعید خان اور اس کے گروپ یا وابستہ افراد) سے افغانستان میں مقیم منحرف مقامی دہشت گردوں نے 2015 میں ایک ساتھ شمولیت اختیار کی اور باضابطہ طور پر ISKP کا اعلان کیا، حافظ سعید خان کو اس اتحاد کا پہلا امیر نامزد کیا گیا۔

ٹی ٹی پی کمانڈر سعید خان کے تحریک طالبان پاکستان کے امیر فضل اللہ کے ساتھ قیادت اور مالی معاملات پر اختلاف تھا جس کی وجہ سے وہ ٹی ٹی پی چھوڑ کر اسلامک سٹیٹ خراسان پراونس میں شامل ہو گیا۔ آئی ایس کے پی کے دہشت گردوں کی بڑی تعداد سابق ٹی ٹی پی/ ٹی ٹی اے کے جنگجو ہیں، جن کے اپنی سابقہ تنظیم سے روابط برقرار ہیں۔ دلچسپ بات یہ ہے کہ TTA کمانڈر عبدالرحیم مسلم دوست نے حافظ سعید خان کو ISKP کا پہلا امیر نامزد کیا اور بعد میں وہ دوبارہ TTA میں شامل ہو گیا۔ آئی ایس کے پی کا بھارت کے ساتھ تعلق عیاں ہوا ہے۔ درجنوں بھارتیوں نے اس وقت ISKP میں شمولیت اختیار کی جب 2015 میں اسے افغانستان کے صوبہ ننگرہار میں باضابطہ طور پر شروع کیا گیا۔

اپریل 2017 میں تورا بورا پہاڑوں میں ISKP/TTA کو ختم کرنے کے لیے امریکی MOAB حملے (مدر آف آل بمز) میں 13 بھارتی عسکریت پسند مارے گئے تھے، ان کا تعلق آئی ایس کے پی سے نکلا۔ بھارتی شہری کی شناخت کیرالہ سے تعلق رکھنے والے محمد محسن کے نام سے ہوئی ہے، جس کا تعلق ISKP سے ہے، 25 مارچ 2020 کو کابل میں گوردوارہ ہر رائے صاحب پر حملہ کیا گیا۔ اگست 2020 میں، کیرالہ سے تعلق رکھنے والے ایک اور بھارتی شہری ابو رواحہ المہاجر نے دو بھارتیوںکے ساتھ جلال آباد جیل پر گاڑی سے خودکش حملہ کیا۔ستم یہ کہ دہشت گردی میں ملوث بین الاقوامی طاقتیں پاکستان کے خلاف مذموم پروپیگنڈا کیوں کر رہی ہیں؟

افغانستان میں تحریک طالبان پاکستانکی موجودگی پر پاکستان اعتراض کرتا آیا ہے ۔ پاکستان کے دعوؤں کا مقابلہ کرنے کے لیے، IAG/GDI وقفے وقفے سے پاکستان کے خلاف پروپیگنڈہ کرتا ہے تاکہ افغانستان میں ٹی ٹی پی کی محفوظ پناہ گاہوں کے حوالے سے دباؤ کو کم کیا جا سکے۔ پاکستان نے بارہا افغان طالبان کو ان کے ملک میں ٹی ٹی پی کے ٹھکانوں کے "ناقابل تردید ثبوت” فراہم کیے ہیں، کابل پر زور دیا ہے کہ وہ خطے کو غیر مستحکم کرنے والے گروپ کے خلاف کارروائی کرے۔ IAG ٹی ٹی پی کے موثر کنٹرول میں اپنی نااہلی اور ٹی ٹی پی میں افغان شہریوں کی بھرتی کو روکنے میں ناکام ہے ساتھ ہی وہ اپنی ناکامی کو چھپانا چاہتا ہے۔

پاکستان کا کشمیر پر موقف تبدیل کرانے کے لئے بھارت نے دہشت گردی کو ایک خاص زاویئے سے ابھارنا شروع کیا۔ بھارتی میڈیا چالاکی سے پروپیگنڈے کو آگے بڑھانے میں اہم کردار ادا کر رہا ہے۔بھارتی میڈیا کھلے عام دہشت گردوں کو اپنا پلیٹ فارم مہیا کر رہا ہے، مثلاً احسان اللہ احسان، افغانستان کے اندر ٹی ٹی پی کو منظم کرنے کے لیے پاکستان کے خلاف سرگرمیوں میں ملوث رہا ہے۔ "سنڈے گارجین” میں ایک بدنام زمانہ دہشت گرد کے متعدد مضامین کی اشاعت، را کی جانب سے اپنے افغان رابطوں کے ذریعے پاکستان کے خلاف پروپیگنڈہ مہم کو ظاہر کرتی ہے۔ سچ یہ ہے کہ پاکستان TTP اور ISKP دونوں کی جانب سے دہشت گردی کا شکار ہے۔ 2023 کے دوران، ISKP نے افغانستان میں اپنے محفوظ ٹھکانوں سے پاکستان کے اندر 13 حملوں کا دعویٰ کیا

ان حملوں کے نتیجے میں 265 ہلاکتیں ہوئیں، جن میں باجوڑ میں ایک سیاسی ریلی میں سفاکانہ خودکش حملہ بھی شامل ہے جس میں 60 سے زائد افراد شہید ہوئے، مستونگ میں 50 سے زائد بے گناہوں کی شہادت کا دعویٰ کیا گیا تھا۔ افغانستان میںاسلامک سٹیٹ خراسان پراونس (آئی ایس کے پی )کی موجودگی ایک مستند حقیقت ہے اور کئی بین الاقوامی سکیورٹی اداروں اور میڈیا آؤٹ لیٹس کی مختلف رپورٹس کے ذریعے اس کی تصدیق ہو چکی ہے۔ اقوام متحدہ کی سکیورٹی کونسل کی رپورٹس، افغانستان کے لیے امریکی نمائندے کا بیان اور مختلف دیگر شہادتوں نے افغانستان میں ٹی ٹی پی، آئی ایس کے پی، اور دیگر انٹرنیشنل ٹیررسٹ آرگنائزیشنوںکی موجودگی کے ساتھ ساتھ پاکستان کے خلاف سرحد پار حملے میں ان کی ملی بھگت کو بھی اجاگر کیا ہے۔ عبوری افغان حکومت دوحہ معاہدے کی خلاف ورزی کر رہی ہے۔ دوحہ معاہدے میں افغانستان سے بیرونی دنیا میں کوئی محفوظ پناہ گاہیں، کوئی پروم اور ٹی ایس ایم کی برآمدات کا تصور نہیں کیا گیا تھا لیکن بدقسمتی سے افغانستان میں اس کے بالکل برعکس ہو رہا ہے۔

اقوام متحدہ کی تازہ ترین پابندیوں میں تسلیم کیا گیا ہے کہ افغان طالبان نے دوحہ معاہدے کے تحت انسداد دہشت گردی کی دفعات کو پورا نہیں کیا۔ • پاکستان اسلامک سٹیٹ خراسان پراونس اور تحریک طالبان پاکستان کی دہشت گردی کو ختم کرنے کا عزم رکھتا ہے۔افغانستان میں مقیم پاکستان مخالف دہشت گردوں نے ہمیشہ پاکستان کے خلاف کام کرنے کا موقع ڈھونڈا ہے۔ ان دہشت گردوں کے خلاف پاکستان کی واضح پالیسی ہے۔ چاہے ان دہشت گردوں کا تعلق TTP سے ہو یا ISKP سے یا AQ سے، یہ پاکستان کے دشمن ہیں ۔یقینا ریاست بھرپور طریقے سے ان سے نمٹ رہی ہے تاہم اس معاملے کو ہمیشہ کے لئے ختم کرنے کے لئے عوامی سطح پر کچھ پالیسی لائنز پر آگاہی ان ریاستی کوششوں کو مزید بہتر بنا سکتی ہے۔