کارساز ٹریفک حادثہ: فریقین کے درمیان راضی نامہ ہوگیا، کروڑوں روپے دیت بھی ادا
کراچی میں کارساز حادثہ کیس میں ملزمہ اور مدعی مقدمہ کے درمیان راضی نامہ ہوگیا۔
کارساز ٹریفک حادثے میں جاں بحق ہونے والے عمران عارف اور آمنہ عارف کے ورثا نے حلف نامے تیار کروا لیے ہیں جو آج ملزمہ کی درخواست ضمانت کی سماعت میں پیش کیے جائیں گے۔
باپ بیٹی کے ورثا کی جانب سے ملزمہ کی درخواست ضمانت پر نو ابجیکشن سرٹیفکیٹ جمع کرایا جائے گا۔
عمران عارف کے بیٹے اسامہ عارف اور بیٹی کی جانب سے بھی این او سی عدالت میں جمع کرائے جائیں گے۔
کارساز روڈ حادثے کے متاثرین کے ورثاء نے ملزمہ کو معاف کرتے ہوئے کہا کہ انہیں نتاشا کو اس معاملے میں ضمانت دینے پر کوئی اعتراض نہیں کیونکہ حادثہ جان بوجھ کر نہیں کیا گیا تھا۔
انہوں نے کہا کہ ہمارے درمیان معاملات طے پا گئے ہیں اور ہم نے ملزمہ کو معاف کر دیا ہے۔
ملزم کی درخواست ضمانت پر سماعت کے دوران عدالت میں جمع کرائے جانے والے حلف نامے میں کہا گیا ہے کہ ہم نے اللہ کے واسطے معاف کر دیا ہے، سب سے زیادہ مہربان اور رحم کرنے والا کون ہے۔
ورثاء کا کہنا تھا کہ انہیں ملزم کو ضمانت دینے پر کوئی اعتراض نہیں ہے کیونکہ جو حادثہ پیش آیا وہ جان بوجھ کر قتل کی کوشش نہیں تھی۔
انہوں نے کہا، ‘ہم نے یہ این او سی بغیر کسی دباؤ کے دیا ہے، ہم نے حلف نامہ میں جو کچھ کہا ہے وہ بالکل صحیح ہے۔
ادھر ذرائع کے مطابق باپ بیٹی کی جانوں کی دیت 5 کروڑ روپے ادا کردی گئی، معاہدے کے کاغذات آج سیشن کورٹ میں جمع کرائے جائیں گے۔
ذرائع کا بتانا ہے کہ ملزمہ اور مدعی مقدمہ کے درمیان معاہدہ آؤٹ آف کورٹ ہوا ہے تاہم فریقین کی جانب سے معاہدے کی تردید یا تصدیق سے انکار کیا گیا ہے۔
About Author
