توشہ خانہ؛ بانی پی ٹی آئی اور بشری بی بی کی درخواست ضمانت پر نیب کو نوٹس
اسلام آباد: احتساب عدالت نے توشہ خانہ ٹو کیس میں بانی پی ٹی آئی اور بشری بی بی کی درخواست ضمانت بعد از گرفتاری پر قومی احتساب بیورو کو نوٹس جاری کردیے ۔ عدالت نے آئندہ سماعت پر ضمانت کی درخواست پر دلائل طلب کرلئے۔
احتساب عدالت کے جج ناصر جاوید رانا نے بانی پی ٹی آئی اور بشری بی بی کی درخواست ضمانت بعد از گرفتاری پر سماعت کی۔
عدالت نے ضمانت کی درخواستوں پر قومی احتساب بیورو نو نوٹس جاری کردیا اور 30 اگست کو فریقین سے ضمانت کی درخواستوں پر دلائل طلب کرلئے ۔
بانی پی ٹی آئی اور بشری بی بی نے ضمانت بعد از گرفتاری کی درخواستیں دائر کیں ۔
توشہ خانہ کیس میں بانی پی ٹی آئی اور بشری بی بی اس وقف جوڈیشل ریمانڈ پر اڈیالہ جیل میں قید ہیں ۔ نیب نے ملزمان کا جسمانی ریمانڈ مکمل ہونے پر توشہ خانہ ٹو ریفرنس احتساب عدالت میں دائر کررکھا ہے۔
About Author
