پاکستانی زائرین کیلئے چذابہ بارڈر مصیبت کا پہاڑ بن گیا
پاکستان سے تعلق رکھنے والے سینکڑوں زائرین کو جذابہ سرحد پر عراقی حکام کی جانب سے ایک مرتبہ پھر غیر انسانی اور
ناشائستہ روئیے کا سامنا کرنا پڑ رہا ہے ، زائرین جن میں خواتین بچے اور معمر افراد کی معقول تعداد شامل ہے انہیں عراق داخلے میں توھین آمیز روئیے کا سامنا کرنا پڑ رہا ہے ، جزابہ سے ملنے والی اطلاعات کے مطابق عراقی حکام زائرین کے پاسپورٹ دیکھنا بھی گوارا نہیں کر رہے ،پاسپورٹ اٹھا کر پرے پھینک دئیے جاتے ہیں اور نازیبا الفاظ استعمال کئے جارہے ہیں ، سینکڑوں زائرین عراق داخلے کے لیے جزابہ بارڈر پر بے سر و سامانی کی حالت میں پڑے ہیں جذابہ بارڈر پر اسوقت درجہ حرارت 50 ڈگری سنٹی گریڈ ہے جبکہ بارڈر پر بنیادی ضروریات کی کوئی بھی سہولت میسر نہیں ہے ،گرمی کی شدت کے باعث متعدد زائرین بے ہوش ہونے کی اطلاعات مل رہی ہیں ، مصیبت میں پھنسے زائرین نے پاکستان کے متعلقہ حکام سے اپیل کی ہے کہ وہ فوری مداخلت کرکے انہیں ذھنی اذیت سے نجات دلائیں
About Author
