ودہولڈنگ ٹیکس، تاجر دوست اسکیم کیخلاف جوڑیابازار کے تاجر 13اگست کو احتجاج کریں گے
کراچی: ود ہولڈنگ ٹیکس اور تاجر دوست اسکیم کے خلاف کراچی کے جوڑیا بازار کے تاجر 13 اگست کو احتجاج کریں گے۔
ہول سیل گروسرز ایسوسی ایشن کے چئیرمین روف ابراھیم نے صحافیوں سے گفتگو کرتے ہوئے کہا کہ جوڑیا بازار کی تمام دکان دار، ہول سیلرز، امپورٹرز منگل کو ایک بجے کاروبار بند کرکے ریلی کی صورت میں کراچی چیمبر آف کامرس کے دفتر جائیں گے۔ احتجاجی ریلی جوڑیا بازار سٹی کورٹ سے شروع ہوکر کراچی چیمبر پہنچے گی۔
روف ابراھیم نے کہا کہ چھوٹے تاجر ملک کے اہم اسٹیک ہولڈر ہیں لیکن انہیں کوئی اہمیت نہیں دی جارہی ہے اور نہ ہی کراچی چیمبر آف کامرس کے ذمہ دار انکے مسائل سن کر انہیں حل کرانے کی کوشش کرتے ہیں۔ انہوں نے کہا کہ کراچی چیمبر کو ہماری آواز سننی چاہیئے۔ دالوں اجناس کے تاجر ود ہولڈنگ ایجنٹ نہیں بن سکتے جس کے خلاف کراچی چیمبر آف کامرس کو ہمارا ساتھ دینا چاہیے۔
About Author
