صیہونی فوج کے سربراہ کے نام غزہ سے واپس آنے والے فوجی افسروں کا خط
غزہ کی جنگ میں خدمات انجام دینے والے صیہونی حکومت کے متعدد افسروں نے اس حکومت کے آرمی چیف آف اسٹاف کے نام ایک خط میں اس بات پر زور دیا ہے کہ 10 ماہ سے زائد جنگ کے باوجود وہ ابھی تک فتح سے دور ہیں۔
صیہونی حکومت کے چینل 14 نے غزہ میں لڑنے والے صیہونی فوجی افسران کی طرف سے چیف آف آرمی اسٹاف کو بھیجے گئے خط کا انکشاف کیا ہے۔
اپنے خط میں، صیہونی فوجی افسران نے زور دیا کہ غزہ کی صورتحال ابھی تک فتح سے بہت دور ہے، اور وہ فوج کے اعلی عہدوں کے بار بار کے اس بیان سے حیران ہیں کہ فتح قریب ہے۔
انہوں لکھا ہے: "ہم جو میدان سے آئے ہیں وہ اچھی طرح جانتے ہیں کہ صورتحال ابھی بھی فتح سے بہت دور ہے۔ دشمن کے پاس اب بھی غیر معمولی صلاحیتیں، ڈرونز اور سرنگوں کا ایک بہت بڑا انفراسٹرکچر موجود ہے۔
اس سے قبل بھی نیتن یاہو اور بعض صیہونی حکام کے اس دعوے کے جواب میں کہ غزہ کی جنگ میں فتح قریب ہے، صیہونی حکومت کی ریزرو فورس کے جنرل اسحاق بریک نے بھی کہا تھا کہ غزہ میں فیصلہ کن فتح حاصل کرنا ممکن نہیں ہے، یہ ایک وہم ہے اور اسرائيلی حکام اپنے اس قسم کے بیانوں سے عوام کو دھوکا دے رہے ہيں۔
اسحاق بریک نے کہا تھا کہ حماس کا عسکری اور سیاسی ڈھانچہ اب بھی غزہ میں کھڑا ہے۔
انہوں نے مزید کہا تھا : "حماس کے ہاتھ میں اب بھی حکومت ہے، سرنگیں اب بھی ان کے کنٹرول میں ہیں۔”
About Author
