بغاوت پر اکسانے کے جرم میں سابق پاکستانی فوجی افسر کو 14 سال قید کی سزا

پاکستان آرمی کے ایک ریٹائرڈ افسر لیفٹیننٹ کرنل اکبر حسین کو پاکستان آرمی ایکٹ 1952 کے تحت فیلڈ جنرل کورٹ مارشل (ایف جی سی ایم) کے ذریعے فوجی اہلکاروں میں بغاوت پر اکسانے کے الزام میں 14 سال قید با مشقت کی سزا سنائی گئی ہے۔پاکستان فوج کے شعبہ تعلقات عامہ کی جانب سے منگل کو جاری بیان میں بتایا گیا ہے کہ مجاز دائرہ اختیار کی عدالت نے عدالتی عمل کے ذریعے الزامات ثابت ہونے پر مجرم قرار دیا اور 10 مئی 2024 کو 14 سال قید بامشقت کی سزا سنا دی سنائی گئی سزا کے مطابق، افسر کا رینک 26 جولائی 2024 کو ضبط کر لیا گیا ہے۔

اس سے قبل سابق میجر (ریٹائرڈ) عادل فاروق راجہ اور سابق کیپٹن (ریٹائرڈ) حیدر رضا مہدی کو بھی پاکستان آرمی ایکٹ 1952 کے تحت فیلڈ جنرل کورٹ مارشل (ایف جی سی ایم) کے ذریعے فوج کے اہلکاروں میں بغاوت پر اکسانے کے الزام میں سزا سنائی گئی تھی۔ان پر ثابت ہونے والے الزامات میں جاسوسی سے متعلق آفیشل سیکرٹ ایکٹ 1923 کی دفعات اور ان کی خلاف ورزی اور ریاست کے تحفظ اور مفاد کے خلاف منفی کارروائیاں شامل تھیں۔عدالت نے سات اور نو اکتوبر 2023 کو عادل فاروق راجہ اور حیدر رضا مہدی دونوں کو مجرم قرار دیا تھا اور انہیں بالترتیب 14 اور 12 سال قید بامشقت اور عہدہ ضبط کرنے کی سزا سنائی تھی۔ دونوں افراد 21 نومبر 2023 سے نافذ العمل ہیں۔