پاکستانی وفد کے سربراہ نے ایران پاکستان مشترکہ سرمایہ کاری اور مشترکہ بازاروں میں توسیع کی حمایت کی ہے

ایران پاکستان سرحدی تجارت کی گیارھویں نشست میں پاکستانی وفد کے سربراہ نے کہا ہے کہ وہ دونوں ملکوں کے مشترکہ بازاروں میں توسیع اور مشترکہ سرمایہ کاری کی حمایت کرتے ہيں

پیر کو ایران پاکستان مشترکہ سرحدی تجارت کی گیارھویں نشست میں پاکستانی وفد کے سربراہ عرفان جاوید نے کہا ہے کہ ایران کے شہید صدر آیت اللہ رئیسی کے دورہ پاکستان میں دونوں ملکوں کے اعلی حکام نے باہمی تجارت بڑھانے پر زور دیا تھا ۔

انھوں نے کہا کہ باہمی تجارت کا حجم بڑھانے کے لئے مثبت قدم اٹھانے کی کوشش کریں گے۔

عرفان جاوید نے کہا کہ ہم تجارت سمجھوتوں کے علاوہ نقل وحمل میں بھی تعاون بڑھانے اور اچھے نتائج کی توقع رکھتے ہیں۔

ان کا کہنا تھا کہ نقل و حمل کے میدان کامیابی باہمی تجارت کے فروغ کے اسباب فراہم کرنے کے علاوہ سرحد کے دونوں طرف کے لوگوں کی زندگی پر بھی مثبت اثرات مرتب کرے گی۔

ایران پاکستان سرحدی تجارت کی گیارھویں نشست میں پاکستانی وفد کے سربراہ نے کہا کہ ہمیں مشکلات کے ساتھ ہی ماضی کے سمجھوتوں پر عمل درآمد نہ ہونے کی وجوہات کا بھی پتہ لگانے کی ضرورت ہے ۔

ان کا کہنا تھا کہ ماضی کے سمجھوتوں پر عمل درآمد سے ہمارے درمیان باہمی اعتماد کی تقویت ہوگی۔

پاکستانی وفد کے سربراہ نے کہا کہ سرحدی تجارت میں پرائیویٹ سیکٹر کا کردراہم ہے جبکہ حکومتی سیکٹر تجارت کے فروغ کی سہولتیں فراہم کرنے کی کوشش کررہا ہے۔

عرفان جاوید نے کہا کہ ہم مشترکہ سرمایہ کاری اور سرحدی بازاروں میں توسیع کی بھر پور حمایت کرتے ہیں جس سے دونوں ملکوں کے درمیان دو طرفہ اعتماد کی سطح بھی بڑھے گی۔