امبانی کی شادی میں پاکستانی ڈیزائنرز کے ملبوسات پہننے والے بالی ووڈ اسٹارز
![](https://baseermedia.com/wp-content/uploads/2024/03/2614042-anant-1709700485-186-640x480.jpg)
گجرات: ایشیا کے امیر ترین شخص بھارتی بزنس ٹائیکون مکیش امبانی کے سب سے چھوٹے بیٹے اننت امبانی کی پری ویڈنگ تقریبات میں بالی ووڈ اسٹارز نے پاکستانی ڈیزائنرز کے ملبوسات زیب تن کیے۔
حال ہی میں نیتا امبانی اور مکیش امبانی نے اپنے سب سے چھوٹے بیٹے اننت امبانی اور اُن کی منگیتر رادھیکا مرچنٹ کے لیے تین روزہ پری ویڈنگ تقریبات کا انعقاد کیا تھا، یہ تمام تقریبات بھارتی ریاست گجرات کے شہر جام نگر میں منعقد ہوئی تھیں۔
اننت امبانی اور رادھیکا مرچنٹ کی پری ویڈنگ تقریبات میں دنیا بھر کی چند بااثر شخصیات اور نامور بالی ووڈ ستاروں نے شرکت کی تھی جن میں سماجی، سیاست، کاروباری، شوبز اور کھیلوں کی دنیا کی معروف شخصیات شامل تھیں۔