ورلڈ بینک کے اعداد و شمار کی روشنی میں ایران اور پاکستان کے تجارتی تعلقات

پاکستان 2017 سے ایران کا سب سے اہم تجارتی شراکت دار ہے۔رواں ایرانی سال کے 10 ماہ میں پاکستان کو 1.7 ملین ڈالر مالیت کی 3.6 ملین ٹن اشیا برآمد کی گئیں اور 527 ملین ڈالر مالیت کی 446 ہزار ٹن اشیا درآمد کی گئیں۔اس سال پاکستان کے ساتھ 10 ماہ کا تجارتی توازن 1.14 بلین ڈالر رہا۔ مذکورہ مدت میں پاکستان سے ایران کو درآمد کی جانے والی اہم اشیا میں سفید چاول، کیلے، خاص نسل کی گائے اور مویشی تھے۔

2022 کی مردم شماری کی بنیاد پر، 24 کروڑ 20 لاکھ سے زائد آبادی کے ساتھ، پاکستان دنیا کا 5واں سب سے زیادہ آبادی والا ملک ہے اور 881 ہزار مربع کلومیٹر سے زیادہ کے رقبے کے ساتھ یہ دنیا کا 34واں بڑا ملک ہے۔ایران کا یہ مشرقی پڑوسی اپنے برادر اسلامی ملک کے ساتھ تجارتی اور دوطرفہ تعلقات کی وسیع صلاحیت رکھتا ہے۔ پاکستان سرمایہ کاری کے لیے بہتر حالات رکھتا ہے اور اس کی وجہ سے ایرانی تاجر پاکستان کو برآمدات بڑھا رہے ہیں۔پاکستان کے ساتھ غیر ملکی تجارت کی اہمیت کو مدنظر رکھتے ہوئے، اس رپورٹ میں دونوں ممالک کے درمیان ایرانی سال 1397 سے 1402 کے درمیان تجارت کا جائزہ لیا گیا ہے۔

ایران اور پاکستان کے درمیان غیر ملکی تجارت کی عمومی صورتحال

2019 سے 2022 کے درمیان، پاکستان سے ایران کی درآمدات میں قدر کے لحاظ سے اضافہ ہوا، جو اپریل 2019 میں 341 ملین ڈالر سے بڑھ کر 2022 کے آخر میں 1 بلین ڈالر تک پہنچ گئیں۔

ان سالوں میں پاکستان سے ایران کی درآمدات کا حصہ تقریباً ٪1کے برابر تھا۔توقع ہے کہ ایرانی سال 1402 کے آخر تک پاکستان سے درآمدات کی مقدار 632 ملین ڈالر کے برابر ہو جائے گی جس میں ایران کی کل درآمدات کا حصہ تقریباً ٪1 ہوگا۔ایکسپورٹ اور امپورٹ کل قیمت (ملین ڈالر) اور ٪ شئیر

ورلڈ بینک کے اعداد و شمار کی روشنی میں ایران اور پاکستان کے تجارتی تعلقات

ایران اور پاکستان کی معیشت تجارت کے میدان میں ایک دوسرے کی ضروریات کو پورا کرتی ہے، اس لیے پاکستان علاقائی کرنسی کے تجارتی منصوبے پر عمل درآمد میں اہم اور بنیادی کردار ادا کر سکتا ہے۔درحقیقت پاکستان کے ساتھ تجارت کا فروغ ایران پر عائد پابندیوں کو بے اثر کرنے میں مدد دے سکتا ہے۔یہ مسئلہ اقتصادی ترقی کے پروگراموں کو آگے بڑھانے کے حوالے سے پاکستان کی توانائی کی ضرورت کو ایران کی مدد سے پورا کرنے میں اہم کردار ادا کر سکتا ہے۔