اسلام آباد کی تین میں سے دو نشستوں پر ن لیگ اور ایک پر استحکام پاکستان پارٹی کامیاب
![](https://baseermedia.com/wp-content/uploads/2024/02/2602669-nleagueandipp-1707471607-749-640x480.jpg)
اسلام آباد: دارالحکومت کی تین نشستوں میں سے دو پر ن لیگ اور ایک نشست پر استحکام پاکستان پارٹی نے کامیابی حاصل کرلی۔اسلام آباد کے تینوں حلقوں این اے 46, 47, 48 کا سرکاری اور حتمی نتیجہ جاری کردیا گیا جس کے مطابق تینوں نشستوں سے ن لیگ کو کامیابی حاصل ہوئی ہے۔الیکشن کمیشن کے مطابق این اے 46 سے مسلم لیگ ن کے انجم عقیل خان 81958 ووٹ لے کر کامیاب ہوئے، پاکستان تحریک انصاف کے امیدوار عامر مغل کو 44317 ووٹ لے کر شکست کا سامنا کرنا پڑا۔این اے 47 سے پاکستان مسلم لیگ ن کے امیدوار طارق فضل چودھری 102502 ووٹ لے کر کامیاب ہوئے جبکہ شعیب شاہین کو 86396 ووٹ لے کر شکست کو سامنا کرنا پڑا۔اسی طرح این اے 48 سے پاکستان استحکام پارٹی کے نامزد آزاد امیدوار راجہ خرم نواز 89699 لے کر کامیاب ہوگئے یہاں سے پاکستان تحریک انصاف کے نامزد امیدوار علی بخاری کو 59851 ووٹ ملے۔