حماد اظہر نے انتخابات سے دستبرداری کا اعلان کردیا
تحریک انصاف کے رہنما حماد اظہر نے انتخابات سے دستبرداری کا اعلان کردیا۔
سپریم کورٹ میں حماد اظہر کے کاغذات نامزدگی مسترد ہونے سے متعلق کیس کی سماعت کے دوران انہوں نے سپریم کورٹ سے اپیل واپس لے لی۔عدالت میں معاون وکیل نے کہا کہ حماد اظہر اپیل کی پیروی نہیں کرنا چاہتے۔
جسٹس منصور علی شاہ نے سوال کیا کہ ہائیکورٹ نے اپنے فیصلے میں 62 ون ایف کا حوالہ کیوں دیا ہے؟ سپریم کورٹ کا فیصلہ واضح ہے کہ آرٹیکل 62 ون ایف کا اطلاق ازخود نہیں ہوتا۔وکیل آفتاب یاسر کا کہنا تھا کہ اشتہاری کی اہلیت سے متعلق آپ کا فیصلہ بھی آچکا ہے۔جسٹس منصور علی شاہ نے کہا کہ اپیل واپس لینے کی وجہ سے حماد اظہر کو فیصلے کا فائدہ نہیں ہوگا۔
جسٹس جمال خان مندوخیل کا کہنا تھا کہ لگتا ہے حماد اظہر سرینڈر نہیں کرنا چاہتے۔معاون وکیل آفتاب عالم یاسر نے کہا کہ سرینڈر کرنے میں کوئی حرج نہیں ہے۔واضح رہے کہ پی ٹی آئی رہنما حماد اظہر این اے 129 سے آزاد امیدوار تھے ۔
About Author
