بھارتی فوج پر گھات لگا کر حملہ؛ 3 کمانڈوز ہلاک اور 14 زخمی
رائے پور: بھارتی ریاست چھتیس گڑھ میں سرچ آپریشن کے لیے جانے والے بھارتی فوج کے کمانڈوز کے قافلے پر گھات لگا کر حملہ کیا گیا جس کے نتیجے میں 3 کمانڈوز ہلاک اور 14 زخمی ہوگئے۔
عالمی خبر رساں ادارے کے مطابق ریاست چھتیس گڑھ میں یہ حملہ علیحدگی پسند نیکسل باغیوں نے بھارتی فوج کو اپنے جال میں پھنسا کر کیا تھا۔ 2021 کے بعد یہ اس ریاست میں بھارتی فوج کا سب سے بڑا نقصان ہے۔نیکسل باغیوں نے اس کارروائی کے لیے پہلے علاقے میں اپنی موجودگی کا احساس دلایا۔ جس پر نیکسل باغیوں سے نمٹنے کے لیے بنائے گئی اسپیشل کوبرا فورس کے کمانڈوز نے سرچ آپریشن کا فیصلہ کیا۔جسے ہی کوبرا کمانڈوز سرچ آپریشن کے منصوبے پر عمل درآمد کے لیے اس علاقے میں پہنچے۔ گھات لگائے نیکسل جنگجوؤں نے حملہ کردیا۔ یہ حملہ اتنا اچانک تھا کہ بھارتی کمانڈوز کو سنبھلنے کا موقع نہیں مل سکا۔
حملے میں 20 کے قریب بھارتی فوج کے اہلکار زخمی ہوئے جن میں سے 3 نے دم توڑ دیا جب کہ 14 اسپتال میں زیر علاج ہیں۔
6 زخمیوں کی حالت نازک نازک ہونے کے سبب ہلاکتوں میں اضافے کا خدشہ ظاہر کیا جا رہا ہے۔ جنگجو بھارتی فوج کا اسلحہ بھی ساتھ لے گئے۔
نیکسل کے کمانڈر نے اس کارروائی کو بڑی فتح قرار دیتے ہوئے کہا کہ جو شکار کرنے آئے تھے وہ خود شکار ہوگئے۔
