پی ایس ایل لائیو اسٹریمنگ اور براڈکاسٹ حقوق کی مالیت میں بڑا اضافہ

لاہور: ایچ بی ایل پاکستان سپر لیگ لائیو اسٹریمنگ اور براڈکاسٹ حقوق کی مالیت میں 2024 اور 2025 کے ایڈیشنز کیلیے بالترتیب 113 اور 45 فیصد اضافہ ہوا ہے۔
بڈز میں کامیاب ہونے والے ایک نجی ٹی وی نے 2024 اور 2025 ایڈیشنز کو نشر کرنے کیلیے جو بولی جمع کرائی وہ گذشتہ 2برسوں کے مقابلے میں 45 فیصد زیادہ ہے، ایک اور کامیاب کمپنی نے ایچ بی ایل پی ایس ایل 2024 اور 2025 کو لائیو اسٹریم کرنے کیلیے ٹینڈرز میں جو بولی وہ گذشتہ 2برسوں کی قدر سے 113 فیصد زیادہ ہے۔
سب سے زیادہ بولیوں کی منظوری کیلیے مجاز اتھارٹی کو سفارش بجھوادی گئی ہے۔چیئرمین پی سی بی مینجمنٹ کمیٹی ذکا اشرف کا کہنا ہے کہ بڈز میں کامیاب کمپنیز، پی سی بی کی انتظامی کمیٹی اور فرنچائزز کو مبارکباد دیتا ہوں، ایچ بی ایل پی ایس ایل ایک بہت بڑا برانڈ اور اس کے مداحوں کی بڑی تعداد ہے۔