مزاحمتی قوتیں صیہونی حکومت کے ڈراؤنے خواب میں تبدیل ہو جائیں گی، اسماعیل قاآنی

سپاہ پاسداران انقلاب اسلامی کی قدس فورس کے کمانڈر نے تاکید کی ہے کہ مزاحمتی قوتیں بچوں کی قاتل غاصب صیہونی حکومت کے ڈراؤنے خواب میں تبدیل ہو جائیں گی۔
فارس نیوز ایجنسی کی رپورٹ کے مطابق ایران کی سپاہ پاسداران انقلاب اسلامی کی قدس فورس کے کمانڈر جنرل اسماعیل قاآنی نے فلسطین کی اسلامی مزاحمتی تحریک حماس کے سیاسی دفتر کے سربراہ اسماعیل ہنیہ کے نام ایک پیغام میں تحریک حماس کے نائـب سربراہ صالح العاروری کی شہادت پرتعزیت پیش کرتے ہوئے کہا کہ غاصب صیہونی حکومت تحریک مزاحمت کے رہنماؤں کا قتل کر کے غزہ اور غرب اردن میں تحریک استقامت کے مقابلے میں اپنی شکست و ناتوانی اور بے بسی کی پردہ پوشی کرنے کی کوشش کر رہی ہے۔